يا مرحبا ترحيبتن كلها لش .. تكسيش من راسش لي حد ماطاش
أنا دخيل أمش وأبوش وخوالش .. ما أجي على حاجة وأعود على ماش ..

مسيتو مدري صبحتو بالخير ..

تسيف تسيف تسيف أنتم ..

وش أعلومكم .. كيف يا آل فيصل الكرام ..

أنا بالححييييييييييل مشتاقة أسولف للغالية مدونتي ..

بس أخررر من هالمزاج الأغبر مدري وش أسوي بوه

المهم بشرى سارة عقب سته شهور من الكرف المتواصل والتعب المتواصل والشغل المتواصل ..

جتني شغاااااااااااااااااااااااااالللة .. من أثيوبيا ..

بس يا أني مدللتها دلال ما عرفته في بيت أبوها ..

وأقول لأمي لا تهاوشينها .. وأمي تقط كلام من هنا ومن هنا ...

وأنا خاقتن أوم العافيه .. خايفه تسوي فينا شي .. خصوصا عيال أخوي صلوح وريمو ..

المهم خايفه منها أنا بيني وبين نفسي .. كل يوم أتفقد الأمة قبل لا أنام..

والله من المصايب اللي نسمع فيها ...

بس يا أني عوضت فقر النوم اللي كنت أفتقده يوم ما عندنا شغاله .. أنام ثلاث ساعات وأقعد ..

نمت نووومه تقريبا من العصر لييييين ثاني يوم المغرب .. بس أنام وأقعد ..

طبعا الشغالة لها أسبوع عندنا .. مسلمة الحمد لله .. وبس تبتسم >>> يا خوفي من هالأبتسامة ..

يووووووووووه .. بعد تخيلو ما فتحت ولاشي .. ووجعه بعيني .. متى أبي أفتح هاه ..

بالله هاوشوني يمكن أحس على دمي وأذاكر ..

يا أنه الجو صايرن هالأياااام خوقاقي .. روماااااااااااااااااانسي .. بس محد يقدر الرومانسية في بيتنا المتواضع ..

اقول لبنت عمتي أمشي نطلع الصبح نتمشى أنا وياك ..

تقولي طيري منااااااااااك وش هالرومانسية .. مع أنه هي اللي ذابحته الرومانسية..

والله من حلاة الجو صرت أوصل أختي للمدرسة كل يوم بس عشان أتمشى وأشوف خلق الله ..

وربي من الطفش والزهق بس الحمد لله على كل حال ..

بأذن الله راح نسوي هذيك الجمعة ونسوي حفلة باربكيو .. واصور وأنزل صورها هنا ..

تصدوقون عندي صفحة بتويتر بس ماني مهتمة لها ..

طرت ببالي فكرت .. أني أروح أنعنشها بكم صور وكم خاطرة طالعه من صمصومة قلبي ..

والله شكلي بعمل هييييييييييييييك ..

أخر مررررررررررة هاوشوني عشان أذاكر أبي أحس بتأنيب الضمير ..

يللا سي يو ليتر ..