عانيت وأدري كل طيب يعاني
...................وعلى حساب طعوني الخضر جاملت
يا ما خذوا مني ولاحدٍ عطاني
...................من طيبتي في حق نفسي تساهلت
عزاي لا منه تجهم زماني
...................يممت وجهي للكريم وتوسلت
واللي يبي قربي وبعدي لقاني
...................أمشي على وضح النقا ما تختلت
مرات أحس أنك معي شخص ثاني
...................ومرات أحس أنك حبيبي وما زلت
لا تفرح أن دجت بين المحاني
...................لو ما تخون الذاكره ما تسللت
عشان ماضيك الجميل وعشاني
...................حاول تشيل من الوفاء ربع ماشلت
ماني على خبرك حبيبي تراني
...................حتى عن صغار الأماني تنازلت