|
رد: لو الدلع يكتب كـتب بـ إسم { نصرون } ..!
صباح الليل ياعرب
كيف الصحه مافيه كحه
تدرون وش المعنى الحقيقي للغبنه ؟؟ 
انك تراكم واجباتك وانشطتك ومناقشاتك ومحاضراتك
ويجي يوم تروق لها وتحلها خلال يومين بدون لا تحفظ الحل
وتفتح الفوتوشوب وتعدل على صور فوق الـ 15 صورة بدون لاتحفظها
وتفتح على تحرير الفيديو وتسوي لك فيديو بدون لاتحفظه
وتكون فاتح محادثات مهمه بدون لاتسيف المعلومات اللي فيها
وتكتب رساله طويلة عريض وتقعد عليها صباح ربي كله
و ترفع فيديو ثقيل على اليوتيوب
وتحمل محاضراتك اللي مراكمها عليك
وكذا ببرود اعصاب تفصل الشاحن عن اللاب وانت ناسي انك شايل البطارية
ويروح عليك كل هذا
هذا اللي صار لي قبل كم يوم
فعلاً غبنه 
تدري وش المعنى الحقيقي للغبنه ؟؟
انك تكتب رساله طويلة لمصدر مسؤول
ومحتوى الرساله رسمي وطول ما انت تكتب تجلس تعصر مخك
عشان رسالتك تطلع زلبوطيه على قولة واحد من الاخوان 
وانت تكتب ماترفع راسك عن الكيبورد ويوم
تقرب تخلص ترفع راسك تحصل الكيبورد كان انقلش
وتعبك وعصارت مخك كلها راحت على الفاضي
عاد يالله فكك رموز الاحرف اللي قدامك 
وهذا اللي صار لي قبل مده
فعلاً غبنه
بالاخير كتبت أي كلام وارسلته
وعلى فكرة ترى ما انسحب علي ابداً هههههههههههه
تدري وش المعنى الحقيقي للغبنة ؟؟
تجلس ثلاث ايام واحياناً اسبوع
تنسخ من كل موقع وتظطر تقرا غثا التاريخ
عشان تسوي بحث لاختك
وتنسق وترتب وينتهي الاسبوع ويجي وقت التسليم
تجي تبي تطبع البحث قبل لاتروح الدوام
تكتشف ان الطابعه مافيها حبر او ماعندك ورق
وبكل برود اختك تكلم صديقتها اطبعي لي بحثك بس حطي اسمي
^
طيب يا ح ي و ا ن ه ارسلي لها اللي سويته وخل تطبعه
تعبي هذا قدريني وقدري عيوني اللي طلعت وهي تقرا التاريخ وع
يا يا يا يا وش اقول ياختي النحيسه ><"
^
هذا اللي صار لي العام
فعلاً غبنة
^
ماتلاحظون كل مره ارجع بالزمن ورى خخخخخخ
طيب لحظة لحظة هذا موقف صار لوحده اعرفها
تدرون وش المعنى الحقيقي للغبنه ؟؟
انك تبين واحد بدون لا احد يدري ويوم زواج اختك
تكشخين احلى كشخه وتصيرين اطلز وحده والكل يتكلم فيك وبجمالك
بس عشان تجذبين امه وتخطبك
وبعد العرس الكل يخطبك الا هي وتكتشفين انك مو داخله مزاجها
وانك تستعرضين وتبالغين واجد وتقوم تخطب بنت عمتك خخخخخخخ
ههههههههههههههههههههههههه فعلاً فعلاً حسرة وغبنه
اجل كيلوا مكياج وكورة ارضيه فوق راسي واخر دلع ليش
عشان اطيح من عينك وتخطبين بنت عمتي ههههههههههههههههه
^
هذا اللي صار لوحده من البنات ههههههههههه
عندي احساس انها عافت شي اسمه حب ههههههههههههههههههههههههه هه
والله غبناتي واجد بس اخاف تنجلطون مني
وتنعدون من حظي الردي هههههههههههههههههههههه
|