عـجل واستعجل حضورك،،
متى نورك..يصب الضي
فــ عروقي
وادفى..ويشتعل شوقي
ويسرد لك طفولة قلب
ابحكي...لا
ابشكي...لا
أخاف تضيق وتنساني
بــ حرماني!
تعال الحين...
تعال الحين وخل الموعد
يزورك!
وخل النور يتخبى
من نور الدفا خجلان!
أمانة لا تخليني
أعلق لهفة عيوني
على الجدران :(
وتقرأ بالوجيه اللي
تمر في شارع النسيان..
بلا ساعة...
بلا أزمان..
تعال الآن!
تعال وبس..
غروري كسّر الساعة..
تعبت أحاسب ظروفي
وأعلق أغلب أخطائي
على المقصود
شماعة!