دندن وحشتينن
تقبل الله حجك وشكر سعيك

مير انتي حجيتي ماشاء الله ما عليك شرهة
شرهتك على اللي ما يغير يتسدّح و يتبطّح وما فتح شي !!!

الله يسلمك من جدولك أشوف أهم شي وأول شي تفتحينه
( إدارة مالية ) ليه ؟ مدري .. انا من شفت الملخص وقلبي قارصني ما جازت لي بتاتًا البتّة !!

ثاني شي ( الإحصاء ) بحكم ان العالم قالبة عليه الترم اللي راح ويقولون صعب شويتين
امانةً ما فتحته بس أحسه ما عليه حليل!!

ثالث شي ( الأساليب الكمية ) ما اخذتها قبل و لا أخذتها هالترم بس من اسمها احسها
ممتعة بس يبيلها على الأقل 5 أيام.

رابع شي ( الصحة و اللياقة ) مو عشانها أسهل من النظم تبدّين النظم عليها .!!
لا .. النظم فيه وقت تذاكرينه بس هي ما فيها وقت فـ لازم تطّلعين على نصها على الاقل .
جميلة ماهي صعبة بس يبيلها يوم تذاكرينها.

خامس شي ( اساسيات المحاسبة و التكاليف ) هذي بتذاكرينها قبل إختبارها ب 5 أيام
ويمكن اكثر لان احسها محتاجة وقت نفس المحاسبة قبل تقريبًا .

وأخيرًا ( نظم المعلومات ) المستوى اللي فات كانت آخر مادة وقبلها كان فيه مهارات البحث
يعني ما كان قبلها يوم .. ولا فتحتها نهائي .. بس ضغطت على نفسي ضغط ما كان طبيعي ذاك اليوم ..
والحمد لله جاء الاختبار حلو و جميل , ما اقول لك ان درجتي حلوة بس بالنسبة لإهمالي كانت مرة تجنن!
وإنتي عندك قبلها يومين يمديك على إن شاء الله .. و جبت فيها A


إن شاء الله ردّي أفادك .. و ان شاء الله يمديك يا " حجّه " لايضيق صدرك ولا شي
أنا اليوم توّي أبدا ب ( الادارة المالية ) يللا نبدا أنا و أنتي سوا