2012- 11- 24
|
 |
أكـاديـمـي
|
|
|
|
|
كِرام الطبايع
بأمر الذي بأمره .. تصان الودايع
يابنت عودٍ يحتمي الطيب والجود
من طيب جدّك طاب والصيت ذايع
قول وفعل عزّ وشرف نخوه وجود
ترى الحكي ما فيه شـاري وبايع
سهلٍ على خبلٍ ... يقوله بلا فود
وليا سِلم .. من زلّه الهرج صايع
ما من سـلامه كان فكّر لها يعود
واللي يقول إنّ أغلب الشعب ضايع
ضايع جدى وملعون مترس ومقرود
حنّا هل العوجا ... كِرام الطبايع
وقت اللزوم ... أفعالنا كلّها شهود
خضرٍ بيارقنا .. ولنا فـ الطلايع
فعلٍ وتعرف عقبه البيض والسّود
|