ما وحـشك صــوتي أو لمـة احضاني؟
ما اشتـقت لـي مـا اشـتقـت لعــيني !
ما حنـيت لقـربـي ما حنيـت لحنـاني؟
ما سـألـت عـني ما قـلت لي وينـي !
برتاح بقربك حبيبي لو هـي ثــواني
بطفي على صدرك جـمرة حنــيني
يلي بـ عينـاي تسوى أغلى الاماني
أنت اللي دايم اقول وجودك يكفيني
قدرك رفيع فوق خوالي مع عماني
فيك أشـوف فرحة العمر و سنيني
الشوق من جمعة الناس لك خـذاني
والبعد نار بوســط صدري تكويني
جيتك/ أبي دفاك من قسـوة زمانـي
جيت / أبي حــنانك لو شوي تعطيني
تعال / أقرب مني والعـمر تـراه فانـي
تعال / ضمـني بحضنك ولا تـخليـني
تعال / لو غالي عندك رد على شاني
تعال / مابه حد كثرك تمناني ويبيني
انا بدونك .شفني تشتغل بي احزاني
وتضيق نفسي مدري شيصير فينـي
لو بدور بنفسك علي بتلـقاني كـانـي
روحـي يمـك وحبك لي روح تحييني
مـالي غـير الله ثم انت يا اغلا خـلاني
وترى الجـفـا عــقــب الوصـل شــيني
تتـدري وش اللي على حـبك حـــداني ؟
ركـز بوجهـي وشوف دمعي بـ عـيني