المشاركة الأصلية كتبت بواسطة همس الغرور

وعليكم السلام ..

والله ان شرحي مو ذاك الزود بس بحاول افهمك ..

الجداول التكراريه نوعين منتظم وغير منتظم ..

المنتظم يعني اذا جتك الارقام الفرق بينها متساوي ..
يعني من 10 الى 20 الى 30
او من 15 الى 20 الى 25
اهم شي الفرق بينهم ثابت ..اما 5 او 10 او حتى 100 بس يكون ثابت


الغير منتظمه عكسها يعني تكون ارقام ملخبطه من 1 الى 7 الى 8 الى 15

نجي الجداول المفتوحه ..

عندك ثلاث انواع ..
مفتوحه من اسفل ..

يعني يعطينا اول رقم من الفئات يخليه مفتوح مايبدأ يقولك من 6 مثلا
لا يقولك اقل من 6 .. او اقل من 100 يعني في كلمة اقل من ..

المفتوحه من الاعلى اخر رقم فيها يكون 6 فأكثر او 100 فأكثر ..

مايقفل العدد يقولك الى 6 او الى 100 لا يجي بعدها كلمة اكثر ..

والمفتوحه من الطرفين تجمع بين كلمتين ..
بالاول اقل من ..

والاخير فأكثر ..

ان شاءالله انك فهمت ..