ملتقى طلاب وطالبات جامعة الملك فيصل,جامعة الدمام - عرض مشاركة واحدة - عآآجل حتى لانفقد درجات الاعمال الفصليه من مصدر موثوق

Against Gravity · #1 2012- 11- 27

السلام عليكم ورحمة الله

اببدا على طول لاني مفجوعه من اللي قريته

والحمدلله باقي وقت

قرأت موضوع لاختنا فجر عن اسباب نقص درجات المشاركه
وسويت بحث لاني قلت كيف عرفت هالمعلومات؟ الله يجزاها الفردوس الاعلى
وتخيلوا لقيت كذا موضوع هزوني صراحه

الترم الماضي كثير من الاخوان نقصوا بالمشاركه اللي هي ال30 درجه
وقدموا شكاوى وتظلم ومافاد

شوفوا وش لقيت لكم بيان من العماده عن اسباب النقص في المشاركه :

اقتباس:

وقد لوحظ أن من أهم أسباب نقص درجات الأعمال الفصلية هي :

1. عدم الاستفادة من المحاولات المتاحة لتعديل درجة الواجب الناقصة خلال الفصل الدراسي.

2. الاعتماد على خاصية النسخ واللصق عند المشاركة في قضايا النقاش مالم تكن الإجابة موحّدة.

3. مشاهدة المحاضرات (المسجلة والمباشرة) لأقل من خمس دقائق

4. الاعتماد على النسخة الكاملة لتحميل المحاضرة المسجلة وإلغاء التحميل قبل اكتماله

5. خلو جهاز الطالب من البرامج المحدثة دوريا لمشاهدة المحاضرات

6. المشاركة المزدوجة (فتح جميع المحاضرات دفعة واحدة، فتح النظامين والمشاركة فيهما بنفس الوقت وغيرها)

7. الاعتماد على أوقات الذروة للمشاركة في الاعمال الفصلية

8. الاعتماد على الغير في المشاركة بالأنظمة

يالهوي ياخرابي يعني اللي كان يشاهد اقل من خمس دقايق يرجع يشاهد من جديد
طبعا للمحاضرات اللي ماحملها او روابط التحميل لاتعمل مثل التحرير
واللي شاهد كذا محاضره مع بعض بنفس الوقت
زي بعض ناس

يرجع يشاهد كل وحده لحالها وان خلصت فتح الثانيه

طبعا اتكلم عن المحاضرات المسجله

المصدر من منتدى النقاش الموقع الرسمي لجامعة الملك فيصل

ايه قبل انسى وقريت بعد
ان اللي اعتمدوا على البلاك بورد في كل شي ( المحاضرات المسجله والواجب والمناقشات)
هم اكثر من حصل عندهم نقص في المشاركه

معليش ادري رفعت ضغطكم كل شوي جايه بسالفتن جديده
بس هالخبر ماينسكت عنه ولاني احبكم كل ابوكم لازم اكتبه لكم

+ الاختبار نزل الجدول الخاص بكل طالب في الخدمات الطلابيه بعد الدخول ع الافتراضي
التوقيت تغير اول ماده العقيده 9 صفر
الفتره الثانيه من 7 إلى 9 مساءا

شيكوا على جداولكم

اسأل الله أن يوفق الجميع وان يكتب لنا النجاح
والفوز بجناته ووالدينا واحبابنا

مهم **/ المنتدى بطئ معي واحيانا يسكر وعجزت اكتب واعتمد الموضوع
احتمال مااقدر ادخل وارد اذا فيه تساؤلات واعذروني يالغالين
**// للي يبون يقولون طيب انا حملت المحاضره هل لازم اشاهدها عشان اخذ درجه
تراي ابنتحر ان شفت ردود كذا رجاءا لاتردون
قلنا وعدنا وزدنا اللي مايبي يشاهد يحمل باي صيغه كلها نفس الشي
واللي ماتفتح معه الروابط للتحميل يشاهد
واللي ماقدر يشاهد يجرب كذا متصفح "فايرفوكس,كروم,اكسبلورر,اوبرا"، وان شاء الله تفتح

اعتذر على الاخلاق التعبانه فيني خرعه وربكه وقهر ولي كم ساعه احاول انزل الموضوع مارضى والمحاضرات تستهبل معي