من ناحية اننا مظلومين ففعلاً مظلومين ، مظلومين من قِبل الدكاترة ، مظلومين من قِبل القسم مظلومين من الجامعه بكبرها ، طبعاً مايصير نحط ايدنا على خدنا ونقول الشكوى لله ونسكت ، لو فعلاً الكل حاس بالظلم سواءاً دراسات ولا جغرافيا ولا تاريخ .. الخ وباقي الاقسام يلا تحركوا ، خل تتحرك وحده ويتحركون الباقي ، وبالنسبة للأخت صاحبة الموضوع لما قالت رنة الجوال في محاضرة د. ليلى شكري
شوفي حبيبتي انا ماكنت حاضرة صح بس فعل الدكتورة سليم وهذا من حقها ومن ابسط حقوقها كمان ومايستاهل انكم تدعون عليها عشان حق من حقوقها هذا مش بس فعلها فعل اي دكتورة ملتزمة بمادة ملتزمة بقسم ملتزمة بطالبات تنقل لهم مادة علمية ، فما بالك بدكتورة زي ليلى شكري قمة في الانتظام وهذا الفعل اللي صدر من البنت بينرفز الدكتورة ، اللي بيدعي يدعي على البنت الجبانة اللي ظلمت البنات معاها ، لو عندها ذرة شجاعة وخوف من رب العالمين كان وقفت وقالت (انا) ..
ولو كانت خايفة من الاحراج ابسطها تروح للدكتورة وتعترف ، انا صدق من هالناحية اقول الخطأ والذنب على البنت نفسها، حسبي الله عليها ، بالنسبة لأسئلة د. ليلى من هالناحية ما الومكم قمة في التعقيد لا جابت شي من شرحها ولا من الكتاب شي واضح مفهوم
يعني ندرس نتعب ندخل الاختبار مجمعين كم هائل من المعلومات ننصدم بالاسئلة اللي طريقتها صعبه جداً جداً جداً علينا
مشكلة د.ليلى بدأت معنا من القمة اسئلتها واسلوبها يحاكي فئة مستواهم الثقافي توب ، ما اقلل بمستواي الثقافي ولا مستوى غيري من الطالبات ، لكن الثقافة و مستوى التعليم المثالي مادرسناه ولا تعلمناه في هالجامعة ، هذي جامعة الفوضى ، جامعة المغفلين
وعلى فكرة انا من ضحايا د. ليلى في علوم حديث 2 مع هذا سجلت حديث1 لاني مضطرة ، الى متى بنكون في هالجامعة الى متى بنظل على هالحال ؟! هذا سؤال براس كل طالبة درست في ذا الجامعة :)
الله يسامحها د.ليلى على اسئلتها ، وان شاء الله اختبار المعتذرات يكون اسهل ومبسط وبرضو نتمنى الاختبار النهائي يكون بسيط وسهل ونعدي من هالمادة .
رسالة الى البنت اللي رن جوالها في محاضرة د. ليلى : لو ضميرك حي وعندك خوف من رب العالمين روحي للدكتورة وكلميها ، ترى برقبتك اكثر من 30 طالبة ، خافي انهم يتحسبون عليك ، خلي عندك شجاعة وتكلمي لانك مخطئة في حقهم :)