اضع هذه القصة الجميلة والحزينة بنفس الوقت ولي باك ان شاء الله
قصة وفات غريسه وهي من بني عامر من الاوائل في معاصرة القبائل الهلاليه
قتلت غريسه بطريقه وحشيه محزنه
كانت متزوجه من شخص تحبه واسمه زيد وفيه قول انه عشيقها
نشبت حرب بين اهل غريسه واهل زيد زوجها
واخذو بنتهم وقالو لها
اذا جاء لاتستقبليه واخبيرينا لكن كانت تحب زوجها
وكان ياتي زيد ويتقابلون كل ليلة في مكان متفقين عليه بعيد عن المنازل :
يوم من الايام قالت له اذهب بسرعه قبل الفجر لكن قال لاتخافين
فغلبه النوم :وغلبها معه :
وفي الصباح لم يجدوها وعلى الجره صارو يمشون ووجدهوم نائمين فقام اخوها عامر بقتل زيد وقطعوا رجل غريسة
وعت
الزوج مقتول ورجلها مقطوعه
وصارت تجي قبر زوجها
في اليوم التالي قام اخوها وقطع رجلها الاخره
وفي اليوم الذي يليه وجدوها قد ماتت وقد كتبت هذه الابيات
قالت غريسه وحسبنا الله
[poem=font=",6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
قالت غريسه زينـة القـول والنبـا=فجاني زمانـي والمقـدر دهانيـه
تهاويت مـع زيـد وطابـت ليلنـا=ثمان سنين فـي طرابـه وأمانيـه
هواني وهاويته على الانس والهواء=وقطفنا ثمر ما لاق والنفـس فانيـه
سقاني شراب من ثمانيه وأنا بعـد=سقيته شراب صافي مـن ثمانيـه
غشاه الكرى لما مضى الليل وانتهى=وبتنـا منيسيـن والاجـال دانيـه
ياليت زيد طاعني يوم اقـول لـه=سر وكل النـاس بالنـوم هانيـه
ولاطاعني والامر مـا فيـه حيلـه=غشا زيد حلو النوم وانـا غشانيـه
ولا انتبهـت إلا أن زيـد ضحيـه=نعيتـه ولـو هـو عنـدي نعانيـه
لما اقطعو رجلي تراكيت بالعصـا=على جال قبره قلت ما جاه جانيـه
بعد قطعة الاخرى تدربـت جثتـي=على قبر زيد وقلت هـذا مكانيـه
لامت ما سايلت عن وابـل الحيـا=ولا من حفر قبري ولا من نعانيـه
عفا الله عن زيد عشيـري اذنوبـه=ولو هو عصاني يوم أقول اسر ثانيه
محا الله عن زيد عشيـري اذنوبـه=لو كان في حوض المنيـه رمانيـه
ياحافـر للقبـر وسـع جوانـبـه=على جانب مـن زيـد لاتبعدانيـه
المقصد اني ما أقولـه ابخاطـري=أبي إلى جا الوبـل زيـد سقانيـه
أوصيك يا نقر الصفـا لا تغرنـي=ان جواعريـب وارديـن هدانيـه
يامدور زيـد تـرى زيـد عندنـا=ذبيح العمر في سبب كـل جانيـه
ترى عامر توخذ به البـل والغنـم=وزيـد لا يكفيـهـم إلا ثمانـيـه
لاتاخذون قضاه من البل والغنم=خذوا قضاه من ال بيتي ثمانيه
أبوي وأخوالي وعمـي وعزوتـي=ذبح الشفايا في عشيـري هنانيـه
[/poem]
****
[poem=font=",6,red,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
لاتاخذون قضاه من البل والغنم=خذوا قضاه من ال بيتي ثمانيه
أبوي وأخوالي وعمي وعزوتي=ذبح الشفايا في عشيري هنانيه
[/poem]
ومن الحب ماقتل