كل هالكلام ماينفع لأن محد بيطالعه من الجهات المسؤولة ولا كان كتبت عن الوضع المزري الي يمر علينا احنا طلاب وطالبات التعلم عن بد.
مب حالة هذي ابداً وشي ماينسكت عليه ابداً...
سلامات ممنوع ماندش الجامعه ويطردونا الأمن؟!
على كذا بتركب في راسي سالفة عناد وبتحايل عليهم وبقول إنتظام ناسية البطاقة ويدخلوني بعد ما أسجل اسمي ورقمي الجامعي الي هو طبعاً مزيف.ترا تمشي عليهم يابنات والطريقة مجربة ومضمونة
على كفالتي
تسمعون يا أمن الجامعه غصب بندش سواء بطرق المشروعه ولا غير المشروعه
يحق لنا الدخول في اي وقت نبي اثناء الدوام الرسمي للجامعه وما يحق حتى لأعلى سلطة في الكلية تمنعنا من الدخول حالنا من حال غيرنا من الطالبات مب نلعب ولانستهبل ولا ليش فاتحين في الكلية إدارة إنتساب؟!...حاطينها مزهرية مثلاً ولا إيش؟!
مابي أطرق على معانتي مع الدعم الفني ولحد الأن مشاكلي ببلاكبورد ماحلها لي الدعم الفني لأن هذا باب الكلام فية طويل جداً بلأضافة محد بيكترث له هنا.
أساتذة المنسقات لتعليم عن بعد بنفسهن قالوا لي تعالي في اي وقت تبينه إذا صادفتج مشكلة.
ومشاكلي الي انحلت من قبل المنسقات بلكلية لا الدعم الفني ولاغيرة قدر يحلها لي ابداً
دكاترنا بأنفسهم يقولون تعالوا للجامعه إذا تبونا وحتى نحضر لهم محاضرات مع طالبات الإنتظام إذا الوضع يسمح لنا من بعد إذن الدكتورة وأكثر من دكتورة قالت لي تعالي احضري محاضرات مع طالبات الإنتظام ...
بس انا للحين ساكتة أنتظر تعدي فترة الامتحانات وندخل بسمستر الثاني بأذن الله ناجحات
وهنا بيكون لنا اجتماع مباشر مع عميد التعليم الاكتروني والتعلم عن بعد الدكتور سعد العمري
وعشان هذي اللحظة جمعوا اصواتكم يابنات ونوصل مشكلتنا للعميد ..
ندفع دم قلوبنا وبنهاية يطردونا يون قاعدين؟!