يا جماعة ..... خلونا نمسح السبورة و نبدأ من جديد
عندنا 6 حالات وهي :
1- القيمة المستقبلية في نهاية الاستثمار ، يعني حط فلوسه مرة وحدة و الوعد آخر مدة الاستثمار.
2- القيمة الحالية للمبلغ الناتج في نهاية الاستثمار ، يعني الدراهم اللي حصلتهن بالفقرة السابقة (في آخر الاستثمار) كم قيمتهن الحقيقية الآن ؟
3- القيمة المستقبلية في نهاية الاستثمار مع وجود دفعات سنوية (ثابته) يعني كل سنة تزيد رأس المال بنسبة ثابتة.
4- القيمة الحالية لاستثمار يدر عوائد سنوية (ثابتة) يعني كل سنة تجني منه أرباح بنسبة ثابتة .
5- القيمة المستقبلية في نهاية الاستثمار مع وجود دفعات سنوية (مختلفة) يعني كل سنة تزيد رأس المال بقسط مختلف على قدر التحويشه
6- القيمة الحالية لاستثمار يدر عوائد سنوية (مختلفة) يعني كل سنة تجني منه أرباح مختلفة .
كل هالهرج يحل بفكرة وحدة وهي ( 1 + r ) الكل تربيع
بس القوس :
1/ مرة تحطه بالبسط في الحالة رقم 1 و 5
2/ مرة بالمقام في الحالة رقم 2 و 6
ليش جمعنا 1 و 5 و جمعنا 2 و 6 ؟
لأن المشروع إذا صار له دفعات مختلفة فكل دفعة يتم التعامل معها على أنها إما الفقرة 1 أو الفقرة 2
3/ مرة تحطه بالبسط و تقسمه على r مثل الحالة 3
4/ مرة تحط مقلوبه (أي مقلوب القوس ، و اللي جوعنا ياكل له لقمتين عشان يركز ) بالبسط و تقسمه على r مثل الحالة 4
و صل الله وسلم