|
رد: بعد دروس الاستااذه للاقتصاد!!!
السلام عليكم كيفكم؟
ان شاء الله تكوني استفدتو من شرحي ياررب > انتي اخلصي الحين يبون ينسقونه هههه طيب طيب خلص المصريه تخلص اول هبلنا فيها كل ماشرحت شي قلت لها طيب هذي كلها نظريات وش درانا ان تحشيشهم صدق !!! هههههه المسكينه خبطتني بالكتاب ع راسي وبغت تطردني منن بيتهم ههههه
ماعلينا شوفو درس اليوم مصطلحاته غثيثه بس هو سهل بس ركزو حبيتين >
متى يكون مشروعي فاشل ولازم اسكره او اغلقه
متى يكون في مرحة تعادل ولازم اشد حيلي وازيد انتاجي
ومتى احقق ارباح
فيه اربع مصطلحات غثيثه تحملوها معاي هالدرس هي
1- التكلفه الحديه ... اي شي حدي يعني التغير في الكميه>
2- متوسط التكلفه الكليه
3- متوسط التكلفه المتغيره
4- متوسط التكلفه الثابته
اعرفوها بس علشان نفهم المنحنى زين
المنحنى ارجعو له بالكتاب لاني ماعرف ارسمه بس ببذل جهدي اشرحه لكم هنا> جدول قرار وقف الانتاج في حالة الخساره>
اولا شكل المنحنى 3 خطوط جايه ع شكل انصاص دوائر ع برا > ابوك يالوووصف
وفيه بالنص خط علامه صح كبيره > اصبرو اصبرو صح ماعرف اووصف بس اعرف اشرح ههههه
1-المهم التكاليف الحديه تتقاطع مع كل من المتغيره في نقطه>m1> وتسمى مرحلة الاغلاق ادنى نقطه > افهمومها كذا يعني لازم اغلق المنشاءه حقتي لانها افلست لان التكاليف اكبر من الايراد
2- التكاليف الحديه تتقاطع مع التكاليف الكليه في نقطه اعلى منها شويه وتسمى >m> برضو ادنى مستوى للكلييه و هي نقطه التعادل > تعادلت التكاليف مع الايراد حقي
3- فوق المنحنى في نقطه مرره فووق هي نقطه تسمى > mc> نقطه الارباااح الايراد اعلى من التكالليف
ماتتقاطع مع احد مريحه لحالها بنت ابوها من قدها ارباااح
طيب فيه حاجه مافقدتوها؟ التكاليف الثابته صح ماذكرنها !!
يقولك التكاليف الثابته بنت اصل ومالها بالمحارش والحووسه واللجه تكون تحت في اخر المنحنى مالها علاقه بالتكاليف الحديه ليه؟ مو قلنا اول التكاليف الثابته مالها علاقه بالانتاج سواء زاد او اقل تدفعه يعني تدفعه مثل الايجار والتامين ع الشركه اها هي دي ي ي بس ملحوظه يقولك متووسط التكلفه الثابته يتنااقص مع تزايد كميه الانتتاج كيف؟ اقولكم كيف ؟ الحين اذا زاد عندك عندك الانتتاج مو صرت مريش وغني ومن قدك يعني الايجار حق مشروعك بيصير بعينك ولاشي لانك دخلت ملااين مع تزايد انتااجك صح يعني الايجار لو قارنته بالمدخول حقك يعتبر ينقص لان انتاجك زاد فهمتوو؟
سوق الاحتكار التاام
وش يعني نشوف خصائصه اول
1- منتج واحد للشركه او السلعه > مثل شركه الكهرباء > عديم مروننه
2- انتاج سلعه ليس لها بديل في السوق
3- شركه ضخمه ليس لها بديل
اوكيه شراييكم؟ يحق لها تحتكرنا صح ؟ الشكوى للي ماتنام عينه هههههمالنا غيرهم هذا يسمى احتكار تاااام وكاامل يعني مالهم مناافس
النوع الثالث الاحتكاار القله
وش يعني احتكار قله؟ يعني هي صح محتكرتنا ولاعننه جدفنا زي الكهرباء بس ارحم شويه ليه؟ لان لها منافسين اخرين بعد ماهم مقصرين فينا هههه زي شركه الاتصالات السعوديه وموبايلي وزين
خصائصها
1- وجود شركات كبرى لكن بعدد قليل > عكس المنافسه التامه تذكرونها شركات صغيره لكن عدد كبير.
2- تنتج سلعا متميييزه
3- تتخذ قرارتها مراعيه ردود افعال منافسيها..> ماشفتو صراعات زين وموبايلي واس تي سي ههههه كله علينا يتصارعوون وليتهم فالحين بعد
منحنى الطلب لها مرررن ليه؟ لان ممكن نستغنى عن الاتصال لو هم حدوونا مررره وبعدين عندنا بدائل كثيره
1- اذا كانت الايرادات اكبر من التكاليف = رربح
2- اذ1ا كانت الايرادات = التكاليف تعاادل الربح = صفر
3- اذا كانت الايرادات اقل من التكاليف واقل من صفر = خساره
سوعاال بالاختباار
المنافسه غير التامه تحدث عندما ...
1- يزيد الطلب عن العرض في الاسوواق
2- يكون لجميع السلع والخدمات سعر في السوق
3- تتغير التكنولوجيا في الانتاج
4- يمكن لاي فرد او شركه التاثير في سعر السوق
هااه شرايكم؟
اولا نحدد نوع المنافسه قالكم غير تاامه غير مااحدن يقدر ينافسها يعني شرككه توووب ومكووشه ع امم السووق > كهربااء مافيه غيرها >
الجواب 4 > بشرحه لكم طيب الجواب يقول يمكن لاي فرد او شركه التاثير بسعر السوق هو حاطه كلمة فرد تمويه مالها دخل لكن كلمة شركه هي الكي وورد ليه؟ مفتاح الحل مثل ماقولكم داايم باللاقتصاد والمحاااسبه دائما فيه كلمات هي مفتاح الحلول بس اعرفوها اوووول هنا الشركه الوحيده الي لها القرار انها تغير بسعر السوق واحنا مالنا غيرها نشتري او نستخدم واحنا مانوشف الدررب ليه؟ لان مالها مننافس فهمتو؟ مالنا غيرهم حسبي الله عليعم استغلالل > عصبت هههه
سووعال اخر بالاختبار
من مصادر عدم كمال السوق > منافسه غير كامله>
1- وجود شركات ضخمه تنتج بتكاليف اقل وتبيع بسعر ارخص
2- صعوبة دخول السوق للمنافسين الجدد
3- وجود عدد كبير من البائعين والمشترين
4- 1+2
نحدد نوع المنافسه اولا قال عدم كمال السوق> يعني منافسه غير كامله> ياحبهم للخبطه قال السوق !!
منافسه غير كامله وش خصائصها؟
ايوووه الجواب 4> الي هو 1+2 يعني وجود شركات ضخمه وصعوبه دخول منافسين جدد> افهموها زي زين وموبايلي والاتصالات السعوديه هي شركات كبيره وتتنافس بينها ع اقل سعر وبنفس الوقت ماحد يقدر ينافسهم الا بالمووت تذكرون كيف عانت زين وخسرت كثير علشان تقدر تنافسهم بالصدااره ؟؟؟
سوعال اخر بالاختبااار
عند نقطة التعادل في سوق المنافسه الكامله يكون
1- الايراد الكلي اكبر من التكلفه الكليه
2- الايراد الكلي اصغر من التكلفه الكليه
3- الايراد الكلي = التكلفه الكليه
اكيد يساوي لانه تعاادل
سوعال اخر
شرط التوقف عن الانتاج يتحقق عندما يكون السعر > الانتاج >...... من التكلفه
1- اكبر من
2- اقل من
3- يساوي
اكيد اقل منه يعني خساره لازم اوقف لان الانتاج اقل من التكلفه
خلاااص ظهري انكسر بعدين نكمل 
|