ملتقى طلاب وطالبات جامعة الملك فيصل,جامعة الدمام - عرض مشاركة واحدة - هذي صوره بيتهم يمكن احد يعرفهم يتوسط لي عندهم ما ابي اعذار

king of silence · 2010- 2- 11

اقتباس:

المشاركة الأصلية كتبت بواسطة نائف

اول مره احس اني ثقيل طينه من كثر ما اطق بابهم والله العضيم عزت علي نفسي و اشفق عليها من كثر الروحه و الجيه يطلون علي من الدريشه (الشباك) ولا يردون ليش مش عيب عليهم وهم عائله محترمه

هذي صوره بيتهم يمكن احد يعرفهم يتوسط لي عندهم ما ابي اعذار

http://bannerweb.kfu.edu.sa/PROD_ar/twbkwbis.P_WWWLogin

اخوي نائف

انا قبلك طقيت عليهم وابلشتهم الين فتحو لي الباب ودخلت عليهم

قلت لهم بالله عليكم ماتستحون على وجيهكم

يمرون عليكم الضيوف ولا تقلطونهم وانتم عرب معروفين بالكرم ...
تدري ايش قالو ..؟؟:mh19:
قالو والله ماعندنا مانقدمه للضيف ليا جاء عندنا لادرجات ولا معدل ولا ندري عن شي
قصدي يقولون لاقهوه ولا شاي ولا حتى تمر

لكن يقولون اصبروا علينا كلها كم يوم وراح تجي القافله من الأحساء محمله بالبن والهيل والتمر
وان شاء الله نفتح للضيوف الباب
قلت اهم شي عندي نائف ليا منه جاكم لاتردونه تراه شاعر وأقشر والله انه ليفضح فيكم في كل مجلس
قالو لاتشيل همه ماراح نرده المره الجايه لكن قله لايمر علينا قبل اسبوع ابد ابد ابد
قلت والله ماقدر اقوله لاتمر عليهم

قالو لي صرفه شف له اي تصريفه وصرفه فيها
قلت لهم ابشروا مالكم هم

عاد انت صرف نفسك هالأسبوع وبعدها يحلها ربك ان شاء الله