|
رد: ضع سؤالك .. وسوف نجيبك بإذن الله ..
اقتباس:
المشاركة الأصلية كتبت بواسطة ترير
الله يخليكم احد يساعدني 
محد رد علي
التسجيل بينتهي الجمعه
مني عارفه اسجل مواد مستوي 2علم اجتماع
كيف الطريقه
وكيف ارفع كم اخذ ساعه
مني عارفه اطلع معدل موادي |
تسجيل المواد بعد الاختبارات مو اللحين
اقتباس:
المشاركة الأصلية كتبت بواسطة إرتقاء.
الله يعافيكم عندي كذا استفسار
* هل يوجد تخصص (تقنية معلومات) في التعليم عن بعد
وإذا ايوه ياليت المواد اللي راح يتم دراستها .. مافيه هالتخصص
* وهل في حضور الزامي للمحاضرات أنا سمعت لازم احضر محاضرتين .. المحاضرات المباشره تقدرين تحضرينها مسجله اي وقت لما تنزل
* مراكز الاختبارات اقدر اغيرها .. مثلا ترم اقدر اختبر في الرياض
بس ترم بكون في الطائف < مشكلتي راح اكون متنقله بسبب عمل زوجي .. ايوا عادي
* وهل التسجيل الآلكتروني للترم الجاي مازال مفتوح إذا لا .. مافي طريقه ثانيه للتسجيل ما ابغى الترم الجاي يضيع بعد
* واذا تكرمتوا ياليت الرسوم ..
|
التسجيل الالكتروني قفل بس فيه يدوي انك تراسلين عمادة القبول وهم يسجلونك
الرسوم حسب عدد الساعات سعر الساعه 165
اقتباس:
المشاركة الأصلية كتبت بواسطة هدييل
مساء الخير انا مستوى اول قسم اللغة الانجليزية حبيت استفسر عن المحاضرات المباشرة تعلق ويتقطع الصوت وما اقدر احملها في مشكلة بس ماني عارفة والشيء الثاني مااعرف كيف طبيعة المذاكرة في المواد كلها نعتمد ع اللي تنزل بالمكتبات"الملازم" ياليت اللي تعرف هالمعلومات تفيدني في طريقة المذاكرة..
|
لازم تشاهدينها المشكله باتصالك بالنت لان انا تشتغل معاي عادي
هنا موجود قسمك شوفي الملخصات واذا تقدرين اطبعيها بالبيت احيان ملخصات المكتبه قديمه وتغيرت
اقتباس:
المشاركة الأصلية كتبت بواسطة رزآن*
كيف ما فهمت ؟
أنا درست بجامعة و خلصت كم مادة وسحبت ملفي
و الترم الثاني ب ابدأ أدرس بجامعة فيصل ..
وضح لي الله يعطيك العافيه |
المستوى الاول ماتقدرين تعادلين ولا مادة لانها مواد اجبارية
من المستوى الثاني تقدري تعادلي اقل درجه حاصله عليها جيد واقصى ساعات 15 ساعه
اقتباس:
المشاركة الأصلية كتبت بواسطة ريتو
ابي مساعدتكم الن انقبلت وارسلت الاوراق وش ثاني خطوه اسويها
|
اذا سددتي الرسوم انتظري تفعيل سجلك الاكاديمي عشان تستخرجين الباسوورد
اقتباس:
المشاركة الأصلية كتبت بواسطة mr.nooofy
السلام عليكم.....
ياخوان - و ياخوات
اخوي مسجل العام .. واول ماقبلوه وسدد وارسل اوراقه وعطوه السجل ..سحب ملفه واخذ فلوسه
ويوم سجل بداية الترم هذا قالوا انك مسجل قبل ولك سجل اكاديمي ..
وبنص الترم عطوه رقم اكاديمي.. وقالوا تبدا ببداية الترم الثاني..!
ولما يكتب السجل حقه والرقم لاكاديمي يقول غير مسجل لدينا.!.!
وش وضعه الحين وش يسوي؟؟؟؟؟؟؟؟؟؟
لايكون فاته التسجيل.؟ ؟  |
لازم يراسل الجامعه ويفيدونة
اقتباس:
المشاركة الأصلية كتبت بواسطة mr.nooofy
سؤال 2::
متى نبدا نسجل المواااااااااااد للترم الثاني ؟؟؟
خصوصا اننا مقبلين ع نهاية الترم الاول..
|
بعد الاختبارات ان شاء الله وخروج النتائج
|