|
رد: قطع الانجليزي خاصه ( سكرتير عبادي والاخت فجر ) والجميع
وعليكم السلام ورحمة الله وبركاته....
بستغل البريك وقت الدوام عشان أجاوب على سؤالك الي مشغلني من أمس...
مو لأنه صعب لأنه ما فيه أحد يضمن لك شيء... جهز نفسك لكل الإحتمالات
تبي الجد ...
بالنظر لإختبارات الترم الماضي والي قبله .... وعد بأن القطع تكون من القطع الأربع الموجودة في المحاضرة 14 ولكن في الإختبار النهائي جاب قطعه خارجية وقطعة من هذه الأربع مع تغيير في الأسئلة... يعني توقع أي شيء ..!! لا وأزيدك من الشعر بيت في اختبار الترم الماضي جاب ثلاث قطع واحدة خارجية والثانية من الأربع الموجودة في محاضرة 14 والثالثة من المنهج ولكن من خارج المحاضرة 14.
أنت الآن طالب جامعي ولازم تتعامل مع كل الإحتمالات ... تحديد القطع هذا فكر طالب ثانوي والوضع مختلف تماماً.....
أنا بصراحة ما أثق في كلامه حتى لو قال أنه ماراح يجيب قطعة خارجية..!!
كلامي يخوف صح..؟؟!!!!
أسئلة القطع دائماً تكون أسهل شيء خصوصا أنك تتعامل مع اختيار متعدد يعني الحل قدامك... وأنا علمتك بالتكنيك الي تحل فيه....
افهم السؤال وش يبي بالأول وبعدين اقرأ القطعة وحط خط تحت الجملة القريبة لحل السؤال وافهمها .... واضمن لك بإذن الله بأنه حتى لو جاب لك من جامعة هارفرد بتحل...
أنت تقول علمونا عشان نعرف يعني ناوي تحفظ ....!! وهو ممكن يغير بالسؤال..!!
وش المطلوب منك تسوي الآن....
لايضيق صدرك وتحط الموضوع كبير وخلك واثق من نفسك... خله يجيب لك الي يبي طالما أنك مذاكر وضامن نفسك...
أمس نزلت تقريباً 200 سؤال من أسئلة الدكتور غير محلولة.... أمسكها وجرب نفسك وحاول تحل وبالذات مع القطعة وتدرب ومتى ماخلصت خذ النسخة المحلولة وقارنها مع حلك وافهم كل خطأ عندك ليه خطأ....
إذا سويت كذا ... ادخل الإختبار وأنت ضامن a+ ....
باقي معك وقت ولا تحبطون أنفسكم وتشغلون أنفسكم بالقطعة وتصيرون زي بني اسرائيل ... امسك القلم وحل وتدرب وخلوه يجيب قطع بيديه ورجليه صج 
أي سؤال في بالك وأي شيء متخوف منه أنا معكم هنا لحتى تدخل الإختبار ... وبإذن الله فالكم التوفيق أجميع
أعتذر على الإطالة وأشكركم على ثقتكم ودعوتكم
ولكم مني خالص التحية والتقدير...
|