المشاركة الأصلية كتبت بواسطة وقتي

بسم الله الرحمن الرحيم وبه نستعين ,, اما بعد رحال ,,,
الحين احنا درسنا العرض ودرسنا الطلب !! صح
اكيد انك تقول صح سمعتك ,, طيب لما نجي الان لمنحى الطلب هل هو داله ساليه ولا داله موجبه !!
طيب قبل ما نجيب على السؤال هذا نبي نعرف شي مهم انه كل مازاد السعر يقل الطلب ,
يعني علاقه السعر بطلب علاقه عكسيه كل مازاد السعر قل الطلب وكل ماقل السعر زاد الطلب ,,
يعني العلاقه عكسيه يعني تسمى داله سالبه ,, ومنحى الطلب هو عباره عن خط مايل ذو داله سالبه من اعلى االيسار الى اسفل اليمين ,,
لما نجي ندرس المرونه السعريه لطلب لازم نربطها بمنحى الطلب نفسه لانها خاصه فيه,,
يعني لما تستخدم القانون بستخدام ميل منحنى الكميه المطلوبه ,, او قانون المرونه السعريه عن نقطه او قانون حساب المرونه السعريه عند نقطتين ( مرونه القوس ) فا ممكن مثلا يطلع معك الجواب = - 5 ..
لا تقول وش لون يطلع الطلب بناقص ,, بيطلع بناقص لأنه داله سالبه ,, ولأنه مستحيل واحد يقول عطني - 5 برتقال و عطني - 4 تفاح و- 8 علب تونه ,,
اذا لازم اجيب القيمه المطلقه لطلب او بمعنى اخر للمرونه السعريه بطلب ويكون الحل = 5
واذا عرفت ان الجواب = 5 مثلا ,, بتعرف ان الطلب على هذه السلعه مرن ليش لانه اكبر من واحد ونعبر عنها بصيغيه هذي حسابيا ep >1
ولو طلع الجواب معك اقل من واحد بنقول ان المرونه السعريه على هذه السلعه غير مرن ep <1 يعني طلب غير مرن ..
يعني انت تهمك المرونه السعريه لطلب عشان تحكم على السلعه هل هي مرنه ولا غير مرنه ,, يعني هذي الزبده نطلع الناتح عشان نحكم بمرونه الطلب السعريه لسلعه من عدمه ,,
ولا تقدر تسوي الشي هذا الا لما تجيب القيمه المطلقه لمرونه الطلب السعريه ,, يعني قيمه بناقص تطلع معك خذ القميه المطلقه لها ,, يعني خلها موجبه ,, انا عادتي اطول ماعرف اقول كلمتين وسكت وتمنى ما طولت عليك وأدعوى الله لنا التوفيق جميعا