|
رد: الاحصاء .. معامل الارتباط لسبير مان ؟!!
طيب بحاول اشرح التمرين قانون سبيرمان يعتمد على الفرق في الرتب
وعشان نجيب الفرق نجيب رتب x والي هي عباره عن المنفق على الاعلان
x = 2 3 2 7 9 5 10 15 4 11 9 8
والمبيعات الي هي y
y= 10 12 9 22 18 19 26 33 18 22 15 17
عشان نجيب رتب x
نشوف اش هي القيمه الاصغر عندنا نلاحظ انها 2 نلاحظ ان 2 مكرره مرتين يعني مايصلح نعطي وحده منهم المرتبه الاولى ونعطي الثاني مرتبه الثانيه لانهم نفس القيمه عشان نحل المشكله دي نجمع الترتيب الي المفروض نعطيه للقيمه 2 المكرره ونقسمها على عدد التكرار
يعني المفروض نبدا الترتيب من 1 والي بعده 2 (1+2)ونقسمهم على عدد التكرار 2
يعني (1+2)÷2 =1.5
فقيمه 2 المكرره عندنا نعطيها 1.5
نلاحظ ان القيمه 1.5 تكررت مرتين في العامود الثالث ومكانها امام القيمه 2 في العامود الاول
نجي للقيمه الثانيه وهي 3 نلاحظ انها لم تتكرر لكن لانعطيها الرتبه الثانيه لاننا استخدمناها في القيمه 2 السابقه لذلك نعطيها الرتبه الثالثه
وكذلك نفس القيمه 4 لم تتكرر ونعطيها الرتبه الرابعه
والقيمه 5 لم تتكرر ونعطيها الرتبه الخامسه
والقيمه 7 نعطيها المرتبه السادسه(نلاحظ لم نعطيها السابعه بل السادسه لان الرتبه الي قبلها كانت الخامسه ننتبه لذا الشي)
والقيمه 8 نعطيها المرتبه السابعه
نصل الى القيمه 9 نلاحظ انها مكرره مرتين ونحن توقفنا عند المرتبه السابعه فنأخذ المرتبه الثامنه والتاسعه ونجمعها ونقسمها على تكرارها 2
(8+9)÷2=8.5 ونعطيها لكل القيمه 9 المكرره
ونكمل الترتيب من المرتبه العاشره ونعطيها القيمه عشره
وهكذا(نحن لم نعطيها المرتبه العاشره لانها القيمه 10 بل لاننا توقفنا عند المرتبه التاسعه في الاعلى)
ننتبه ان نقسم على عدد التكرار لو كانت القيمه مكرره ثلاث مرات نقسم على 3
لو كانت مكرره اربعه مرات نقسم على 4
ودائما نبدأ التكرار من حيث توقفنا
وخذو القيمه كاقيمه مو عدد يعني مو تشوفون 6 تعطونها المرتبه السادسه لا غلط
يعتمد عل المراتب الي قبلها
انصحكم تخلون الارقام اشخاص ولا الوان علشان ماتنخدعون بشكل الرقم
تلاحظون في البيانات النوعيه الرتبيه الموضوع اسهل في التمرين الي بعد ذا التمرين
تعطي الضعيف الرتبه 1 والمقبول الرتبه 2 وهكذا
ولوكان مكرر نعطيه الرتبه الي وصلنا عندها +الي بعده +الي بعدها بعدد التكرار ونقسمه على عدد التكرار
مثلا نلاحظ في التمرين ال بعد هذا التمرين جيد تكرر ثلاث مرات ونحنا توقفنا عند الرقم اربعه قبل الجيد ضعيف وثلاث مقبول فنعطيه الرتبه (5+6+7)÷3=8
ان شاء الله وصلت المعلومه كنت حابه اساعدكم اكثر بس اختبار المحاسبه قرب وانا لسى مافتحته
ادعولي ربي يبارك لي ولكم في الوقت ويفتح علينا فتوح العارفيين 
|