2012- 12- 17
|
#6
|
|
أكـاديـمـي ألـمـاسـي
|
رد: خارج المنهج . امس وغد ..
أخي أمجد مشكور على الطرح
من جد عيالي حتي منتظريني ايش أكتب لك 
بالإبتدائي كنت مره ملقوفه ولكن شاطره وكثيرة الكلام ودايم يسكتوني
من كثر كلامي والظاهر هذا جاب مفعوله معاي بالمتوسط كنت اتمرن على
السكوت وسكت مررره وحده طالت السكته واصبحت هادئه جدا ومن يومها
احببت أن أتعلم كل شي بنفسي (واثقه من نفسي )
وبالثانوي كنت مجتهده ومثل مااتفقنا هاديه وكنت مولعه باللغه الانجليزيه
بشده والحمدلله تخرجت بامتياز من الثانوي ولله الحمد ولكن لم اتمكن
من اكمال الدراسه الجامعيه لاني تزوجت ورزقت بابناء صاروا كبار و أطول مني 
ولكن للأن كلامي مختصر وموجز مااحب الإطاله ولا التكرار على طول
ولا الكسل والتكاسل وعندي دائما أمل كبير بالنجاح بكل شي نتعب عليه
نسويه ما أصدق في طالب شاطر وطالب دايم اقول لعيالي عندك دفتر وقلم
واستاذ وهو نفس استاذك ودفترك وقلمك اجل العيب منك يعني دور طريقه
تدرس وتفهم وتصير مثله ( الكلام لي ولهم )
وهذا المنتدى شجعني كثير على استيعاب كل ماكنت اود معرفته واكتسبت
صداقات جديده كلكم إخوه وأخوات لي رغم إنشغالي الدائم إلا إني
أحاول كل جهدي للتواصل معكم وفقني واياكم الله بالنجاح وفالكم a+
|
|
التعديل الأخير تم بواسطة ام-عساف ; 2012- 12- 17 الساعة 03:57 PM
|
|
|
|