ملتقى طلاب وطالبات جامعة الملك فيصل,جامعة الدمام - عرض مشاركة واحدة

أمجد محمد · 2012- 12- 17

اقتباس:

المشاركة الأصلية كتبت بواسطة منو الدوسري

طرح رائع أمجد ..

بالفعل ذكرياتنا بمراحل حياتنا التعليميه كانت رائعه بما فيهااا من جنون ..

المرحله الإبتدائيه طبعاً مرت بسلام وامتياز وشطاره وهدووووء مع اني كنت حركيه وماحب احد يقيدني بالجلوس ... هذا بس اللي كانو بسبته يعصبو علي ولا انا بريئه بطبعي ....

مرحله المتوسطه ..

مدري هالمره مزيج بين الهداوة واللعانه من تحت لتحت طبعاً انقلب فيها حالي لكن عديتها بسلام ..

مرحله الثانويه اتوقع كنت هادئه وبحالي مع شلتي ومالي خص بغيرهم ويمكن لأنهم هادئين اخذتها منهم بس احب اشارك بمسابقات وكنت احاول اكون غير عن الكل ..

بما اني فيني جرأه ومغامره وثقه الا اني عمري ماحاولت اهرب يمه تخيلوووو كان يوقف قلبي

مع ان فيه بنات يهربوون ويطلعون ويرجعون محد حس فيهم ...

وبعدها مرحله الكليه كانت من اروع سنوات حياتي هنا بدأ يطلع جنون الابتدائي والمتوسط والثانوي طبعاً بحدود ههههههه... لدرجه الدكتوره تقولي خلاص حضرتك تبين تجلسين ولا تطلعين براحتك ههههههه اقولهاا شكرا واطلع من المحاضره تخيلووو كانت ماتناديني الا الدلووعه راحمتني يمكن عشان بعيده عن اهلي وما اشوفهم الا بالاجازات ...وحتى مره في اختبار ماختبرته جتني وحده من الأستاذات قالت لي منتي ناويه تختبرين قلت وربي نسيت قالت اللحين قلت ماذكرت والمهم رحت معهاوجلست وقالت بختبرك شفهي بسألك وجاوبي في احد مثلي قلت لا بس عطيني فرصه .. وعيت يوم سألت قمت ضحكت ضحك هستيري قالت يخرب بيتك قلت ميدك ماعرف تخيلو كان عليه الدرجه10 اصدمتني عطتني 9ونص زعلت قلت ابي 10 هاوشتني وقالت اطلعي بس ياحبي له هالمصريه ..

صحيح كنت بعيده بس وناسه جمعت البنات في الشقق الله عليها ايام ..

وبعد التخرج توظفنا وكانت نقله كبيره عالم جديد تنتقلين من طالبه لمعلمه تحت يدك مصير طالبات بس وربي حبيت هالمرحله وابدعت فيها ... لكن انتو اعلم بظلم المدارس الخاص وبظلم وزارات التعليم ...

قررت الانسحاب من عالم التعليم ..

وهـ أنا معكم قد انضممت لعالم التعليم عن بعد ..

اكتسبت أخوة وأخوات يصعب أن أفارقهم مع ان فكره الانسحاب كانت وارده لكن كمغامره لي ولأثبت لغيري إن قدهااا وحبتين يأنا
الله عليك امجد حركت اشيااء فيناااا ..

هههه

حياااكِ الله وجميل ان نعرف ذكريات الاخرين ..

واكيييد انك قدددها ...

تشرفت بوجودكم .