ودي اعرف من الطبل اللي ماسك تقسيم الطلاب على المراكز بس
اللي اشوفه ان التقسيم على حسب المدرسه اللي تقبل استضافة الاختبارات عندها
كل ترم تشكيلة مدارس جديده المشكله كانهم يتفقون مع المدارس قبل الاختبارات بسبوع ويسقطوننا بالقرعه فيها ولا جابو خبر عناويننا يحسبون الشمال مربع مقاسه اربعه بربعه متر ما يدرون ان كل اتجاه طووول بعرض !
وعاد شف المدرسه هذي وين وهذيك وين حسيت اني في اختبارين اختبار قياده ودلاله في الرياض بشتغل تكاس وقت الاختبارات عشان اودي لي كم واحد رايح جاي بفتح سيارتي باص دله دله عليا عليا على المشاوير اللي اخر الدنيا
و يالله الله يعين بس الحين ينط لك مسؤال جامعي يفتح لنا محضر بهذي السالفه انتم مايعجبكم عجب الاختبارات كلها كم يوم شدو على انفسكم لو هو مشوار لهو كان رحتو له بدون تضمر و و و و و و ..... ردي من الحين ممكن حنى الطلاب نسلك حالنا والله كريم لكن المشكله خواتنا الطالبات مو كل وحده ملبقه موتره في كراج بيتهم طال عمرك ولا كل وحده سواقها يحمي لها السياره ينتظرها تحت طال عمرك ولا كل وحده عندها ابو او اخو فاضي يوديها .... ولا اعتقد ترضى ان خواتنا الطالبات يركبن ويتمرمطن مع لموزينات اغراب رايح جاي محتدات على كذا ...!!!!!
المفروض توضع قائمة المراكز مفتوحه للكل عشان الكل يختار اللي يناسبه ويوضح العدد المحدد لكل مدرسه مثلا المدرسه الفلانيه حدها 160 طالب ويفتح التسجيل على فترتين 80 80 عشان الظغط وايضا يفتح التسجيل لكل اتجاه مثلا يوم السبت يفتح تسجيل مراكز الشمال والاحد الشرق وهكذا
لو تجيب واحد مغمور يدرس بالصف الثاني ثنوي واقل لوجد حل مرضي لهذي المشكله فمابالك بـ........