راح اشرح لك الحاجات اللي انا فاهمها و على حسب فهمي يمكن تستوعبي ويمكن لا
اول شي
التكاليف التفاضليه
الحين عندك سلعه أ الربح فيها 20 و سلعه ب الربح فيها 25 و السلعه ج الربح فيها 35
انتي عندك راس مال يكفي لإنتاج واحد من السلعات اللي فوق
يعني لازم تضحي في سلعتين في سبيل انتاج سلعه واحده فـ لازم تضحي في خيارين من شان خيار تشوفي انتي انه ناجح
اختاري سلعه و طبعا راح تختاري اللي ربحها 35
تجين و تشوفي انك في سبيل ربحك في هالسلعه انتي ضحيتي في الـ 20 و الـ 25
طيب التكلفه التفاضليه هي 35 - 20 = 15
طبعاً احتمال فهمي صح او خطأ ، وانا وقفت المذاكره من شان اشرح لك و على فهمي وانتي الحكم
طريقة الوارد اولاً صادر أولاً
مثلا عندك البضاعه الاولى عددها 20 وحده و تكلفتها 20 ريال
وعندك بعدها البضاعه الثانيه عددها 30 وحده و تكلفتها 60 ريال
و مطلوب انك تستخدمي منها 25 وحده
اذا كان طالب الطريقه الوارد اولا صادر اولا
تروحي تاخذي الكميه الاولى 20 ويبقى عليك 5 تروحي تأخذيها من البضاعه اللي وردت لك ثانيه يعني تاخذي 5 وحدات من اللي هي ( 30 بـ 60 ريال ) وتاخذي منها 5
يصير عندك 20 وحده اللي قيمتها 20 ريال + 5 وحدات اللي قيمتها ريالين ويطلع عندنا الناتج 20 + 10 = 30
طبعا الوارد اخيراً صادر اولا تجي العكس بالضبط يعني تأخذي كامل الكميه من اللي وردت لك أخيرا اللي هي الكميه الـ 30 تأخذي العدد المطلوب منك و إذا مو كافي تروحي للي ورد قبله و تكملي العدد المطلوب مع الانتباه لأسعار الكميات و تجمعيها و يعطيك الناتج
طبعاً إذا كانت الكميات الوارده كثيره و لكل وارد تاريخ معين يجب الانتباه له
الوارد اولا تبدأي من اول وارد في الصرف
الوارد اخيراً تبدأي من آخر وارد وبحدود التاريخ المحدد في السؤال
اما المتوسط المتحرك هو تضربي عدد الوحدات في السعر و تجمعي النواتج و تقسميها على عدد الوحدات بعد جمعها
اول شي اتمنى أن يكون شرحي صح و فهمي صح
وثاني شي اتمنى اني افدتك .
ثالث شي اتمنى ان يأتي من هو افضل مني فهم و استيعاب ويشرح لك ولي
رابع شي ان كان فيه خطأ نبهوني يا اخوان