ملتقى طلاب وطالبات جامعة الملك فيصل,جامعة الدمام - عرض مشاركة واحدة

طالبه مثاليه · 2012- 12- 19

اقتباس:

المشاركة الأصلية كتبت بواسطة العقيل

اختي اسف على التدخل بس انا خلصت المحاسبة 2 صدقيني اسهل مادة اخذت فيها a+

وكنت ملخصها كلها يمكن في 14 صفحة

يعني لا تشلين همها ولا يضيعك كثر كلام الدكتور

كل محاضرة زبدتها ما يتعد صفحة او صفحتي با الكثير

لازم تسمعي المحاضرات لان الاشياء العلمية يبلها شرح مو قراية نصيحة تبين a+ اسمعي المحاضرات

اذا ما عندك وقت اسئلة العام + اختبر نقسك ولازم تعرفين طريقة الحل لايغير الارقام بعدين تتوهقين

اسف اخوي شهم وكريم على التدخل ومجهوداتك لا تعد ولا تحصى وانا استفدت منك في تقنية المعلومات 2 ونظم المعلومات

بس حبيت اوضح لها تجربتي علشان ادفعها اكثر للمذاكرة

أسعد الله صباحك أخوي العقيل

حياك الله أخوي وبالعكس أسعدني كثير تداخلك يهمني أسمع الرأي الأخر أذا كان هذا الرأي في مصلحتي

وبالنسبه لسهولة محاسبه2 سمعت هالكلام من كثير من الطلاب شي مفرح ومريح حقيقة

لكني مازلت متخوفه منها والسبب بقولك؟؟
أنا معك في ضرورة متابعت المحاضرات أفضل بكثير , وأنا أعلم بهالشي لآني كنت من المتابعين للمحاضرات في مستوى 1و2 لدرجة المحاضرات المباشرة ومشاركتي مع االدكتور فيها ماكانت تفوتني الحمدالله وكنت أعتمد بمذاكرتي على تلخيصي من شرح الدكتور

لكن للأسف لم أستطع متابعت أي شي هالترم

مو تكاسلآ مني أو تهاون مني أو حب أعتماد على الغير لاوالله أنا أحب أعتمد على نفسي ,
لكن عندي ظروف كثيره مسؤلية الحياة هي ألي منعتني من المتابعه

ويمكن أخوي أبو عدي عارف هالمسؤؤليات بحكم تجربته بالحياه.

يعني أبدآ مافي وقت

بالنسبه لأسئلة الآختبارات لاتحاتي أنا أشوف صيغة الآسئله فقط ولا أعتمد عليها

وبالنسبة لآعتمادي على أخوي أبو عدي ,, صراحة من الملفات ألي يسويها أستوعبت كثير وفهمت المواد وحبيتها وكل هذا من طريقة شرحه لها وهو فعلآ ماقصر مع الكل مو بس معي ولا يتهاون عن مساعدة أي طالب و شهادتي فيه مجروحه وأي كلمة شكر ممكن تنقال له قليله بحقه فعلآ هو قاعد يتعب معانا والله يعطيه على قد نيته وجزاه الله كل خير وجعلها الله في ميزان حسناته

وكلامي هذا مو تقليل بالبقيه من الآعضاء لاوالله بالعكس الكل ماقصرو بمجهوداتهم وبمساعداتهم للطلاب والطالبات سواء كان من أعضاء أو من مشرفين لا أريد ذكر أسماء حتى لاتخونني الذاكرة وأنسى أحد لكن نيابة عن جميع الطلبه جزاهم الله كل خير

وبالنسبه لك أخوي العقيل أسعدني مشاركتك لي بتجربتك

لكن مثل ماقلتلك مو تهاون مني عدم المذاكرة والله يشهد قاعده أسوي ألي أقدر عليه والتوفيق من رب العالمين

أعتذر عن أطالتي فقط للتوضيح

أسعدني تداخلك اخوي وأبداء رأيك

تقبل تحياتي لك