نقطة التوازن للسوق ( من اسمها توازن حط ببالك اشارة = على طول )
وهي النقطة او النتيجة الي يكون فيها : دالة الطلب = دالة العرض
الكمية هنا يرمز لها (x)
والسعر من price يرمز بـ (P)
ملاحظة : القانون هذا هو نفسه موجود بالمحاضرة الرابعه لو تتذكر الي هي حل المعادلات الخطيه في مجهول واحد .
المهم نكمل بعطيك مثال عن ( نقطة التوازن للسوق )موجود بالمحتوى :
اذا كانت دالة الطلب لأحد المنتجات : P=180-3x
كما أن دالة العرض : P=5x+20
المطلوب : (تحديد كمية وسعر التوازن ) يبي قيمة الكمية الي هي x وسعر التوازن P
على طول انت هنا طبق هذي القاعدة :
دالة الطلب = دالة العرض
امسك دالة الطلب اكتبها من اليسار حط بعدها يساوي الي يدل على توازن السوق وعلى طول بعدها دالة العرض
180-3x=5x+20
الحين لازم تحطط كل فئه متشابهه في حد الاعداد اليي فيهم x في جهه والاعداد العادية بدون x في الجهه الأخرى وتفصل بينهم اشارة يساوي طبعاً
راح اخلي 180 بمكانها واجيب العشرين من الجهه الثانيه حلو هنا على طول نغير اشارة العشرين لانها مرت من اشارة اليساوي زي دكتورنا لما يقول لازم تدفع ضريبة المرور بتغيير الاشارة تصبح
180-20= 5x+3x
^
غيرنا اشارة العشرين صارت بالسالب خلاص الـ5x بمكانها مايتغير شيء لكن نقلنا الـ 3x عندها فهنا غيرنا الاشارة أصبحت موجب.
وعادي تكمل حل تطرح وتجمع
اصبحت :
160=8x
X=160/8=20
هنا طلعنا قيمة كمية التوازن X=20
بعدها امسك اي معادلة سواء دالة الطلب او العرض وعوض فيها.
P=180-3x
(20)P=180-3
P=180-60
P=120
واخيرا هنا نكون طلعنا سعر التوازن P=120
واتمنى الفائدة يارب وأني ماطولت بالشرح