المشاركة الأصلية كتبت بواسطة أبان

في أول السنة جت الإدارة للمحاسبين قالو لهم يا جماعة الخير من واقع خبرة كم تقدرون التكاليف الغير مباشرة في العام الجديد ؟
قالو 150,000 ريال

سألوهم وكم ساعات العمل المباشر ؟
قالو 75,000 ساعة


طيب على كذا نبي نقسم = 150,000 ريال ÷ 75,000 ساعة = 2 ريال لكل ساعة عمل

يعني كل ساعة عمل نقدر أنها تبي تكلفنا ريالين


تمام !!!!



وصرنا على هالحال طول السنة
كل ما طلع أمر انتاجي نضرب ساعات العمل * 2 عشان نحسب التكاليف الغير مباشرة (بشكل تقديري)



آخر السنة جينا نشوف التكاليف الفعلية و ساعات العمل الفعلية

لقينا أن التكاليف كانت 144,000 ريال
و ساعات العمل المباشر 77,500 ساعة

يعني لو قسمنا التكلفة على ساعات العمل

144,000 ÷ 77,500 = 1.85 ريال لك لساعة عمل مباشر


وهكذا سنجد أن معدل التحميل الحقيقي أقل من معدل التحميل التقديري اللي قلنا أنه ريالين


طيب و طلو السنة كنا نضرب * 2 ريال !!! وش السوات ؟

الحل يا حبيبي أننا نحصر التكاليف التقديرية اللي حملناها بالزيادة

كيف ؟

نضرب ساعات العمل المباشر * معدل التحميل التقديري
77,500 * 2 ريال = 155,000 ريال

و بعدين نطرح هالتكلفة التقديرية اللي تحملناها بالزيادة من التكلفة الفعلية

155,000 - 144,000 = 11,000 ريال تكلفة محملة بالزيادة

وصل الله وسلم