المساحة بالجنزير ,,

اول شي في التمرين مقياس الرسم 1: 1000 فنقسمه على 100 عشان نحوله الى سم
فيصير 10
الحين نمسك كل الارقام اللي عندنا ونقسمها على 10 واذا في فاصله ناخذ بعدها رقم< بعد التقريب اذا يحتاج

الحين نجي من نهاية الصفحة وفي النص ونسوي نقطة ونسميها أ
ونقيس منها بالمسطرة الى 21 ونسميها ب
لان في التمرين في المستطيل اللي بالنص آخر رقم كان 210 وبالقسمة صار 21

الحين نبدأ من النقطة أ ونرتفع 1.5سم ونسوي نقطة
ونشوف من الجدول الاحداثي حقها عاليمين او اليسار ؟؟
في التمرين الاحداثي عاليسار فنمد خط من النقطة اللي سويناها قبل شوي ويكون طوله 1.3 ونسميه ج ونكتب 1.5 في الجهة الثانية

ثم نسوي الخطوة الثانية نرتفع من النقطة أ 3.5 سم ونسوي نقطة و الاحداثي في الجدول جهة اليمين فنسوي خط من النقطة اللي سويناها ونمده ويكون طوله 3.3 ونسميه م

يعني كل خطوة نرجع نقيس من النقطة أ
وهكذااا الى النهاية

بعدين نوصل بين الاحداثيات ونرقم الاشكال
ونوجد مساحة الاشكال

اذا كان مثلث = القاعدة في الارتفاع على 2
واذا كان أشباه منحرفات = طول القاعدتين على 2 في الارتفاع

بعدين نجمع المساحات اللي طلعناه كلها ويكون بالسم مربع

ومدري اذا تحولين الناتج الى متر او لا
اذا في تحويل اقسمي الناتج على 100