الليل وعيونك وانا كلٍن بكى وقت الوداع
عيون تخفي دمعها وعيون تجهر بالدموع
ياوحشة الفرقى ويادرب المتاهة والضياع
الله يصبر عاشق قلبه من الفرقى جزوع
في غيبتك يالهفتي ليلي معاناة وصراع
وحدي امنّي وحدتي باحلام وصلك والرجوع
ابحر وطيفك والامل والشوق والذكرى شراع
وارسي على مرسى الوله مابين قلبك والضلوع
هل انت ضيعت الرجاء ما للأمل عندك شعاع
الياس طفى شمعتك ولا بقت بعض الشموع
ابشرك ياصاحبي واطلب من الفرقى الوداع
والليل وعيونك وانا نمطر من الفرحة دموع