2012- 12- 23
|
#20
|
|
متميز في قسم المدونات
|
عبيد وقصة العشق العمياء (( هرطقة ساخرة )) ><"
\
\
- مسااء الخير على نهيق الطير  <~ مشوهااً ولا أحد يدقق 
مدخل
عبيد وقصة العشق العمياء !
عبيد طالع من البيت ورايح لصلاة العصر , شوي وتمر جنبه بنت متعطرة بفلاش ,  قزّها <~( يناظرهاً بعنف ) قزها عبيد قزّ إلين ما انقض وضوءه الله يصلحه ويهديه , رجع عبيد وتوضى وراح يصلي وهو طالع من الصلاة مرّت من جنبه هالبنت مرة ثانية  , لحقها عبيد يبي يشوف وش سالفة هالبنت اللي خلتّه يصلي شرق , بعد 6 كيلو متر من المطارده دخلت البنت لبيتهم , ورجع عبيد مطأطىء الراس وساحب معه اذيال الهزيمة .. لانه كان متوقع انه يبي يرّقم البنت علشان يعزمها لقهوة العصر عند امه , رجع عبيد للبيت ودخل لغرفة النوم وفصخ ثوبه وراح قدام المرايه يبي يشوف وش سالفة البنت يوم تقزّه ؟ وبدأ يسئل نفسه !
انا لا يكون مزيون وما ادري عن نفسي؟ والا الظاهر فيني شيء غلط ؟ 
قز نفسه فـ المرايه قز وما لقى شيء يخلي هالبنت تمّر من جنبه وتأشر بيدها , بعدها تثاوب عبيد وراح لفراشه اللي من كثر الوصخ صايرن يابس ( الظاهر لو يرقد عليه شعبولاً أنكسسرر )  رقد عبيد وبدأ يشاخر ويسعبل على وسادته { مخدته } وبدأ يهذري بالبنت أذن الفجر , ودخل ابو عبيد لغرفة عبيد يبي يقوّمه لصلاة الفجر ,
ابو عبيد : عبيد قم صل الفجر يا ولدي ؟
عبيد : صفر خمسه خمسه والباقي ما تغير 
ابو عبيد : اقول قم صل لا العن والديك ؟
عبيد : الوعد عند محل الغوايش <~ ياشين اللي يكب العفش وأهو نايم .. ترىِ فيه بعض الحريم طلبو الطلاق لـ كثرة الهرج اللي مالة سنع أثناء الشخيررروالدعووة كلها حلووم خخ
المهم
ابو عبيد شاف الدعوة خربت , وشوي وياخذ نعوله ويرصها بجبهة ولده , إلين ما قام من النوم 
ابو عبيد : اجل محل الغوايش وصفر خمسه , يالهيس الاربد 
عبيد : يبه وش فيك .. آي محل غوايش الله يحسن خآتمتك
ابو عبيد : اقول قم الله يلعن الساعه اللي تزوجت فيها آمك
<<< أممم احب أأكد انو كل مايجولِ في خياليِ راحِ اطرحه من غير تكلف ((برب )) 
|
|
التعديل الأخير تم بواسطة مدمن دلاخة ~ ; 2012- 12- 23 الساعة 03:34 PM
|
|
|
|