المشاركة الأصلية كتبت بواسطة سكرتيرعبادي

الشكر لله أولاً وأخيراً... أنا ماسويت شيء يسوى هذا حق وواجب وأقل شيء أسويه عشانكم...وبالعكس أنا محظوظ بمعرفتك ومسرور كثير وتمنيت فعلاً أني قدمت أكثر حسب ماكنت مخطط ولكن قدر الله وماشاء فعل ...
أنا لو كنت مكان الدكتور بعطيكم أسئلة ولا راح أرحمكم بقدر ما أتعب راح تكون الأسئلة ... الي أقصده أنا ماعندي مانع أختبر تحت استاذ يبذل الكثير ويتعب بشرح المنهج لي وبالمقابل انا بعد لازم اتعب واجتهد بمذاكرته... فماعو معقول الدكتور يتعب والطالب يرتاح..!!
ولازم تعرف أنكم طالب جامعة يعني تحديد قطعة وتحديد كلمات وتفكير الثانوي هذا المفروض ... ولكن...
أنا أتوقع من الدكتور معاني أداء أفضل من كذا ... ما أقدح في شخصه أو علمه ولكن أشوفه مقصر بالتعامل وتبسيط المعلومة لفئة كبيرة من الطلاب والي هم أكثر ناس بحاجته... فحرام يلجؤون لمدرس خصوصي وهم أصلا الي دافعين راتبه ..!!

سؤالي لك... أنتي ختمتي المنهج مرتين بس هل ذاكرتي من المنهج ولا من الملازم وتلخيص الطلاب؟؟ وهل تابعتي كل المحاضرات؟؟



مرحبا منور /

لمست من كلامك الحماس وحب التعلم الي أتمنى يستمر معك على طول ومايكون نتيجة بس للإختبار فالعلم لك أنتي والإختبار لهم ...


بالعكس يسعدني ويشرفني أسوي لكم أي شيء والي بقدر عليه وتبونه تامرون علي فيه..

مشكلتنا دايم نتخيل اللغة أنها ممكن تجي من خلال دورة ...!! وهذا اكبر خطأ عندنا يركزون على القواعد ويهملون الباقي مع أنه لو ركزنا على الباقي راح تجي القواعد من نفسها بشكل مرتب...

أنا مستعد أفتح موضوع استقبل فيه اسأله وأجاوب عليه ولكن الجهد لازم بالأول يكون عليك... الملزمة تؤسس بدرجة كبيرة ومهمة لازم ترجعين لها وتفهمينها وتتمرنين على الأسئلة الي فيها...
كذلك غيري كل شيء حولك للانجليزي وحاولي تقرأين...
صدقيني لو قريتي كتب وقصص قصيرة بالانجليزي بتلقينها عند العبيكان وجرير والله ماتحتاجين شيء ابد ... كل شيء بيجي معك...
بتلقين مكتوب عليها للأطفال بس ماهو عيب ناخذها نعلم منها لأنها مكتوب بلغة بسيطة مفهومة ...

اللغة ليست دورات وقواعد اللغة بحر ومن أراد أن يبحر فيه عليه بالقراءة ...

ولا إزعاج ولا شيء بالعكس يكفيني بس انكم وثقتوا في انسان ماتعرفون عنه شيء وذاكرتوا من خرابيشه .... هذا أقل شيء ممكن أقدمه لكم عرفاناً بثقتكم


شوفوا وش تبون وأنا حاضر.... بس خلصوا اختبارات هالحين وان شاء الله خير بعدها..

شكراً على ثقتك وشكراً على ثقتك ... وشكراً على ثقتك


تحياتي للجميع