منحنى لورنز




اول شي اكتبي الدول من حيث الاصغر مساحة الى الاكبر واكتبي السكان حق كل دولة وسوي خانة المجموع تحت المساحة والسكان
وبعد ما تطلعي النسب ( طبعا للمساحة والسكان )
طريقة النسب تاخذين مساحة الدولة الاولى قسمة المجموع حق المساحة والناتج تضربينه في 100
خذي بعد الفاصلة رقمين وتسوين نفس الشي الى مساحة الدولة الاخيرة وبعدين تجمعين النسب ورح تطلع لك 100 ونفس الشي تطلعين النسب حق السكان

** بعدين نطلع المتجمع الصاعد حق المساحة وطريقته انك اول خانة فيه تكتبين نفس النسبة الاولى
(هذا شي ثابت يعني ) بعدين عشان تطلعين الخانة الثانية في المتجمع الصاعد تجمعين الخانة الاولى حق المتجمع الصاعد مع الخانة الثانية حق النسبة
وعشان تطلعين الخانة الثالثة حق المتجمع الصاعد تجمعين الخانة الثانية حق المتجمع الصاعد مع الخانة الثالثة حق النسبة وهكذااا وتسوين نفس الشي في السكان

وتمثيله بالرسم البياني اذا كان المنحنى فوق خط التوزيع المثالي يشير الى التركز واذا تحت يشير الى التشتت