2010- 2- 17
|
|
أكـاديـمـي فـضـي
|
|
|
|
بـــدون عــنــوان ؟؟
أمس كنا نقول عيب .. واليوم عادي
البارح كان حرام .. واليوم أصبح حلال
تغيرت العقول .. { وللأسف تغيرت للأسوء
واللي خرب عقول البعض كلمه وحده .. الموضه ..!!
بالأمس الجار كان يزور جاره .. ويفرح لأفراحه
الحين الجار مآصآر يعرف إلا .. اسم جاره ,,!!
زمن أول كان الدش خراب بيوت
وإن دخل البيت مايتعدى.. مجلس الرجال
واليوم في غرفة الصغيرونه رسيفر بجميع القنوات
والأب والأم راضين ومستانسين ..!
بالأمس كانت الأسواق هادية
كل وحده تجي ومعها بناتها وتشتري أغراضها وتمشي
واليوم صارت.. ساحه مغازل ,,!!
مفاتن وبلوتوث ورسائل غرامية حتي الهنود صاروا يبحثون بالبلوتوث..!
في ما مضي كان السواق ما يتحرك مع بنات البيت إلا
بمحرم وغرفته معزولة عن البيت بشارعين ..
واليوم أصبح السواق من أهل البيت
والأب نايم في سبات خارج أسوار البيت ..!
والأم موزعة يومها بين نوم و مقابلة تلفزيون وتلفون ..!!
أول كان الجوال بيد رجال وإن لزم الأمر كان بيد متزوجة
واليوم الجوال صار حافز للنجاح تلقى الطفل والطفلة
بثالث إبتدائي ونجاحتهم جوال والغريبة يدرون انه ماراح يستخدموه
واذا سألتهم قالوا ولد فلان مو احسن منهم ,,!!
زمااان ..وزماااان .. وزماااان ,,!
كل شئ حلو في ذاك الزمان
المشكلة كل يوم في إزدياد ..
والسبب تغير هاك ..الزماااان ,,!!
يازين أبائنا للحين محافظين على ما مضي من هاك .. الزمااااان ,,
الكثير يردد ويقول..الزمن تغير ..,
كل من شاف له شوفه غير متوقعة ..!
وكل من اختلف عليه أمر ردد هذه المقوله ..!
والمشكله أن بعض هذه التغيرات لا يرضاها لا الدين ولا القلب ولا العقل
لا أدري مالذي تغير ..
هل هو الشخص أم الزمان ..؟!
ولكن لأ أقول .. إلا كما قال الشاعر
نعيب زماننا والعيب فينا ... ومالزماننا عيبٌ سوانا
ونهجو ذا الزمان بغير ذنب ... ولو نطق الزمان لنا هجانا
(وجهــة نظــر البعــض)
الزمن تغير لاننا احنا تغيرنا
ولا يمكننا ان نعيب على الزمن قبل ان نحاسب انفسنـا ،،
الزمن واحد .. وإحنا اللي نتبدل
|