تعالي وآحسبي وياي كم مره جرحتيني
وربي ماعرفت ارتاح ويني ووين راحاتي
اذا به جرح ناسيته جديد ولاهديتيني
وفيتي وحيل كفيتي تفننتي بصدماتي
همت بوقتها والناس مدري وينها وويني
مشيت لخاطر العشره لابعد من مسافاتي
خدعتيني والا تبين الصدق انتي ماخدعتيني
انا اللي قلت لي كذبه وصدقتها على شفاتي
فهمتيني؟ لا والله ولاعمرك فهمتيني
ولاتفرق معاي اليوم هاتي من الالم هاتي
كبيره حيل في حقي طفله ولعبتِ فيني
ولكن وش نقص او زاد غلطه في ملفاتي
خسرت وهذي الدنيا وش يعني لو تغدريني
انا ادري وش ضيعني شعوري وطيب نياتي