2012- 12- 27
|
 |
متميز كلية الاداب _الدراسات الأسلامية
|
|
|
|
نصايح وفضفضة وتنبيهات قبل يجي بكرى ....."الإدارة " و "التحرير "...........!
السلام عليكم زملائي اللي ذابحتهم المذاكرة والإجتهاد  ..
أولاً ..
كان في اختبار اليوم ملاحظة على القطعة الثانية السؤال الثاني للقطعة تقريباً كان فيه هناك خيارات (امريكا –اوروبا – مدري وش بعد ) المهم كل الاسماء الواردة لم توجد في القطعة نهائياً و ردو العلم عنّي لشيخ القبيلة عماروه 
اللي مذكور Boston بوسطن في الولايات المتحدة
يعني لو تقول لواحد غربي شليويح سافر الى السعودية والا الامارات والا قطر
واللي موجود بالقطعة سافر الى الكدادية ماراح يعرفها هههههههه 
المهم ماعلينا
حبيت انصحكم نصيحة مهمه ضرووووووووووري
النصيحة الأولى كل واحد مااشترى ملزمة (التحرير العربي و الصحة واللياقة ) يروح يشتريها اللحين
تدرون ليش ؟
لأنكم تبي تجلسون بين الفترتين تقريباً من ساعتين الى ساعة ونصف الى ساعة وحرااااام تروح كذا والتحميل على الجهاز مايكفي والجوال يبي يفقع عيونك وترى كلبوهن 12 ريال فقط !
الحاجة الثانية
من ناحية الإدارة لا حد يقول صعبه ولا حد يقول سهله !
الحقيقة انها ثلاثة ارباعها تعتمد على ذكائك وفهمك .. وشلون ؟
من نواحي عديدة أهمها :
-ان السؤال في أغلب الأحيان يرتبط بالإجابة للي يدقق مثال :
س / هو استلام وبلورة وتبادل المعلومات داخل وخارج المنظمة :
-الأدوار التفاعلية ؟
-الأدورا المعــــــــــلوماتية .؟
-الأدوار القرارية ؟
-جميع ماسبق .؟
(( نلاحظ في هذا المثال أن السؤال يدور حول المعلومات مايبي لها مطوع والدلخ يفهمها قبل النبيه))
ومثل ماقلت لكم أغلب أسئلة الإدارة راح تكون شبيه بهذا النموذج واذكروني فيها وقت الامتحان
كذلك الإدارة مترابطة يعني (عادي تلاقي اجابة السؤال الرابع في سياق السؤال الثامن وهكذا)
اما الباقي من الإدارة فهي تعاريف لن يفهمها إلا :
1-موظف ينتمي الى منظمة متكاملة الأركان وقديم .
2-كل من قرأ التعاريف وحاول يتصورها بذهنه .
أخر نصيحة أوجهها لزملائي الأعزاء أقول ( اليوم لا حد يرقد لين يخلص التحرير العربي) عشان بكرى يكون للإدارة فقط وبعد بكره اذا ربي وفق وكتب لنا حياة تكون مراجعة أسئلة وهكذا
وبين الفترتين تعيد على التحرير وكونك تجيب بالتحرير درجات ترفع معدلك أفضل لك وافضل لمستقبلك الجامعي فلاتقول التحرير سهل
ربي يوفقكم وفالكم النجـــــــاح وآآآآسف على الإطالة 
كل الود
أبو عبد المحسن 
|