القيمة المستقبلية ..... القيمة الحالية
وش السالفة ؟
هذا طال عمرك واحد ناوي يحط دراهمه (50,000 ريال) بمشروع العائد عليه 10% سنوياً ، لمدة 3 سنوات
قال : كم بحصل من ورا هالمشروع ؟
قلنا له بسيطة
في شي اسمه القيمة المستقبلية
العائد على المشروع (يعني الربح) = قيمة المشروع * العائد على المشروع * مدة المشروع
العائد على المشروع = 50,000 * 10% * 3 = 15,000 ريال
بس خبرك الهوامير ما يعجبهم هالهرج
قال لك لا يا حبيبي ..... الحين صحيح أن كل سنة يطلع 5,000 ريال من المشروع
بس أنا
ما راح آخذها إلا آخر المشروع (بعد 3 سنين) !!! يعني تبي تستفيدون منها و تشغلونها ثانية
<<< اهب يا هالتاجر
طيب وش تبي ؟
قال أبيكم تحسبونها و تعطوني عليها عوائد
يعني أبو الشباب يبي فائدة مركبة ، كل سنة نعيد استثمار الأرباح اللي طلعت له
أجل على كذا قانوننا الأول ما ينفع :
اقتباس:
العائد على المشروع (يعني الربح) = قيمة المشروع * العائد على المشروع * مدة المشروع
العائد على المشروع = 50,000 * 10% * 3 = 15,000 ريال
|
لازم نشوف لنا قانون جديد يجيب لنا
العوائد كاملة مع عوائد الأرباح اللي تتولد خلال عمر المشروع
و من هنا ولد القانون =
هذا القانون طال عمرك يبي يطلع لنا إجمالي العوائد على الاستثمار
و بحكم أن التجار ما لهم بالرياضيات و غرابيله و الأس و الأقواس و البسط و المقام ..... الخ
قالو نبي جداول ثابتة تربط ما بين الفترة و نسبة العائد (أو معدل الخصم سمه ما شئت)
و اخترعو لهم جدول رقم 1
في هذا الجدول تختار الخلية اللي يتقاطع فيها عمود نسبة العائد مع سطر الفترات
حسب مثالنا 10% مع 3 سنوات = يتقاطع عند المعامل 1.3310
و بعدين !!!!!
نعوض بالقانون بهذا الشكل :
يعني تطلع النتيجة بالأخير :
كود:
FV= 50,000 * 1.3310 = 66,550
و كذا عرفنا :
قصة الجدول رقم 1
و ماذا يعني بالقيمة المستقبلية