ملتقى طلاب وطالبات جامعة الملك فيصل,جامعة الدمام - عرض مشاركة واحدة

&& Abu Yara && · 2012- 12- 28

اقتباس:

المشاركة الأصلية كتبت بواسطة hoohoo

بقولكم مشكلتي الي صارت معي اليوم
والله الى الان ما جفت دمووووعي من العصر
بقولكم من البداية
اليوم داومت الساعة 3 الا ربع ع اساس اطابق الاسم والرقم الجامعي وصلت ولما جيت اطابق سألتني عن ورقة إثبات الحضوور والله العظيم أني كل مرة أجيبها الا اليوم من ربككككة الاختبار نسيتها قالت لي المشرفة روحي الادارة رحت وأعطتها خبر أني ناسية ومافي احد يجيبها زوجي مداوم ومابيجي الا عالموعد 5:30 وطنشتني ودخلت الاختباااار عبيت البيانات ووزعو ورق الاسئله وبصمت ع ورقة الأسئلة. وسميت وبدأت في الحل وصلت للسؤال 4 جت مشرفة وداخله بصوت علي قالت هنا ..... وذكرت اسمي رفعت يدي قلت نعم أنا بكل احترام تدرون ايش سوت اقسم بالله العظيم هذا الي صار قالت ( والله ان تندميييين وبصوت عااااااااااالي ) ناظرت للمراقبة قلت ايش صار هال مشرفه ما اعرفها ومابيني وبينها اي شي أبدا غير اطابق الاسم والرقم واروح المهم قالت تطلعي برا وسوت شو شرة ومنعتني دخول الاختبار وأنهرت قدامهم ابكي وطلعت للساحة الخارجية وانا منهارة بعد ثلث ساعه تقريبا رجعت للمراقبة ع اساس أخذ اغراضي شافتني منتهيه من البكاء قالت ادخلي ما رديت ونادت الي منعتني وجت وراي تحاول فيني ادخل قلت كيف ادخل الحين كيف اقدر احل كل الي ذاكرته طيرتوة من راسي حسبي الله عليكم وراحت وكل شوي ترسل معلمة وفي النهاية جت وقالت وهي تنافخ بسجلك منسحبة وما رديت عليها
وطلعت وما كملت الاختبار
الحين مؤ قادرة أذكار حق يوم السبت وماني قادرة استوعب والله اكتب وما أشوف من دموعي حسبي الله عليك ي

اولا وأخيراَ : (( قل انما اشكوا بثي وحزني الى الله و أعلم من الله ما لا تعلمون )) الأيه

لا تحزنين نفسك على شي بدر من شخص (( عقله ناقص )) وغير كذا نأسف عندما يطلقون عليها اسم ( مشرفة ) . لان بعضهم تجيه حالة (( جنون العظمة )) وهو يراقبك يحس ان مستقبلك واقف عليه , ونسى انه مشرف . أنا لا اتكلم عن الكل بل البعض وهم قليل .

وغير كذا اسمحيلي ابقولك انك تتحملين جزء من الخطأ ,, وهو عدم احضار اثبات الهوية (( حتى لو تشتكين عليها ما راح يصير شي ) لانها طبقت اساسيات دخول الأختبار ..

الزبدة وانا اخوك ذاكري وعلى ما قالوا اللي فات مات وابدي حياة جديدة ولا تفكرين بشي يأثر على الأختبارات الجاية ..

دعواتي لك ولكل الطلاب والطالبات بالتوفيق والنجاح