2012- 12- 29
|
 |
:: مشرفة ::
ملتقى الفنون الأدبية سابقاً
|
|
|
|
حبيت اوضح كل شخص . . وقـدره !
_
ثمّن كلامـك فاتحـن فمـك .. مسـرور
واحشم مكانك . . منت قاعد بسكـره !!
ماينجبر كـسرك . . ولـو كنـت مجبـور
كـسر الجبر أهون من اصلاح . . كـسره !!
وجبر الكـسير احيان . . بيديـن دكتـور
وكـسر الجبير احيان . . باسباب جبره !!!
ياصاحبي والشعر . . جائـز ومحظـور
حتى المجاز احيان . . يجبرك حظـره !!
ولاجت قصيدتها . . تتالو على الـدور!!
شخصن يهني . . وشخص بالغ بشكـره
مثل القماش اللي (( تطارحبه )) الثـور
والثور هايج . . وانت ثورن من أسره !!
بعض البشر . . يرفع مقامه عن البـور
والبعض الآخر . . هو من ايحط قدره !!
وشخصن يجرك من غلا حرف . . مجرور
وشخصن على الويلات . . يكـسرك جره!!
وشخصن تعادل غيبته .. حشمة احضور
وشخصن حضوره ماوزن ربع . . ذرّه!!
أكبر قهر لامن تبسّمت . . مقهـوووور!!
إكظم قَهَرْك . . وخل ضحكك .. لقهره !!
واللي يبي الطولات . . لاشـك ماجـور
والا الحقير ادري بنفسه . . اتحقـره !!
وادري العيون الحور . . تفرق عن العور
مثل الغنـي يومـه يقـارن . . بفقـره
ماقول يا شعري وانـا صـرت مشهـور
هذي الفرايـد جتـك يالشيـخ !! زفـره
شاورتهـا قالـت : خفايـف ولا اتثـور
وهذي غلاها . . مثـل خيطـن بمكـره
مسرح رجولة شخصـك اليـوم بالـدور
إخراجها فاشل . . وانا ابصم بعشـره !!
مشكور!!؟ . . إيوالله .. من قلب مشكور
ماطاح رجالـن مـن العيـن حسـره!!
والا الخبل . . مايستره لبـس مستـور!!
الشـق واضـح لـو تغطـى بستـره !!
والتربيـه ماهـي قلـم خـط واسطـور
واللي ربا باقـذار . . طينتـه قـذره !!
شخصن توده . . قبل ينطق على الفـور
وشخصن من اول كلمتينن . . اتخسـره
بعض البشر . . قدره كما وزن عصفور!!
والبعض بحرن والكرم . . مـوج بحـره
يلزم تكون ف بعض الاحيان . . مغـرور
لأن الغرور بحضرة اللآش . . حقـره !!
ماهمنـي طـرد الغوانـي مـع الحـور
أنا اهتمامي صعب توصـل لحصـره !!
والا انت ياجاهل . . مسامـح ومعـذور
من كلمتـن والدافـع اشـره .. وأشـره
هذي القوافي جتك ياالشيـخ .. بالـدور
واعرف بداية كل بركـان .. جمـره !!!!
صحيح انا مانـي علـى الـرد مجبـور
حبيت اوضح كل شخصن . . وقـدره !!!
راق ليَ جداً جداً جداً
قلبي مجنوونك
|