المشاركة الأصلية كتبت بواسطة أبان

السؤال يتكون من معلومتين ، كل معلومة لها حالتين :

1/ قيمة مستقبلية أو حالية <<< و هذي تجي صريحة بالسؤال " ما هي القيمة الحالية لـ ..... " أو " ما هي القيمة المستقبلية لـ ....."

2/ دفعات منتظمة أو غير منتظمة ، وهنا تصير اللخبطة عند الناس

وشلون يفرق هي دفعات منتظمة أو غير منتظمة

أقول لك حل زين

إذا فهمت من السؤال شي يدل على أنه فيه فلوس يتم إيداعها أو تحصيلها سنوياً بشكل منتظم "يعني نفس المبلغ 10,000 كل سنة ، أو 10% من قيمة رأس المال" فهي منظمة.


غير كذا تكون غير منتظمة ، مثل لو قال :

1/ استثمار يدر بعد 5 سنوات .... على طول تفهم أنه ما فيه دفعات منتظمة
2/ استثمار يدر مبالغ سنوية ( السنة الأولى 10 ، السنة الثانية 20 ، السنة .......) على طول تفهم أنها غير منتظمة
3/ المبلغ المتجمع بنهاية الاستثمار هو ..... على تفهم أنه ما فيه دفعات منتظمة


طيب الحين عرفنا أنه يذكر مستقبلية أو حالية
و عرفنا كيف نفرق بين منتظمة و غير منتظمة


وشلون نربطها مع الجداول ؟


المستقبلية لها جدول 1 و جدول 2

و الحالية لها جدول 3 و جدول 4


تمام ؟؟؟؟


الغير منتظمة لها الأعداد الفردية 1 و 3

المنتظمة لها الأعداد الزوجية 2 و 4



تجي نطبق ؟

لو قال : مستقبلية منتظمة ؟ أكيد جدول رقم 2
لو قال : مستقبلية غير منتظمة ؟ أكيد جدول رقم 1

لو قال : حالية غير منتظمة ؟ على طول سيدا جدول 3
لو قال : حالية منتظمة ؟ ما فيها كلام جدول 4




وضحت ؟