السلام عليكم
انا حلمت بأن انا وبعض اهلي طالعين من البيت
وكانت عندنا زوجه خالي (مع العلم انها من زمان ماجاتنا وساكنين في منطقه بعيده)
وصديقه عمتي
ووحده سمرا ونحيفه مانعرفها
وعلى اساس ان هذولا الثلاثه توهم ولدو وجاو من المستشفى وعيالهم بيجيبونهم في سياره ثانيه في الطريق
احنا وصلنا البيت واحنا داخلين الكراج الا وسياره ونيت تدخل معنا الكراج وفيها اربع سلال اطفال
كلهم بنات وثنتين منهم بيض وثنتين سمر بس السمر فيه وحده غامقه ووحده افتح منها شوي
اول مانزلنا من السياره جات الحرمه السمرا وخذت وحده من البنات السمر وطلعت من البيت
وفي البيت كانت البنات البيض الثنتين توأم لزوجه خالي والسمرا بنت صديقه عمتي
انا اطالع في البنات واقول هذولا مستحيل توهم انولدو لأن اشكالهم عمرهم 5 شهور او 6 شهور
يعني مو صغاار
واخذت بوودره لونها ابييض ومسحت فيها وجه وحده من البنات البيض وعمتي تقول بتسببين حساسيه للبنت وانا اقول لا عادي انا امسح البودره بوجهها لأن وجهها توه طري وطفولي واخاف تحتك بشي وينصلخ وجهها او اخاف شي يشمخ وجهها قصدي لو تزحف على الزوليه ويتجرح وجهها
وانتهى الحلم وانا امسح البودره بوجهها
أعذروني على الاطاله
تحياتي