|
رد: بخصوص ضغط جدول الاختبارات خلال يومي السبت والاحد - للجميع-
معك حق بكل شي ذكرته ربي يوفقك
حنا صحيح راحت علينا لكن نتمنى يعدلون الجدول لاخواننا الجدد
ماودي احد يعيش التعب والمعاناة اللي عشتها
حتى امي تقول اكبر ظلم لكم
اختي تقول هذي محاولة تطفيش وااضحه من الجامعه لطلاب الاداب
تقول الجامعه صعبه وجدولها تعجيزي وحسيت ان معها حق عقب ماذقت اللي ذقت 
انا من حايل بعد واليوم كنت بكتب شكوى وتظلم بس طلعت بدري لاني تعبانه وهلكانه
والحمدلله اني ماكتبت اخاف بس يقولون الحايليين يتظلمون لحالهم اكيد كسالى ههه
ودي لو نتفق جميعا من مختلف المناطق ونرفع التظلم مثل ماقال اخوي Mas306
تدرون وش المشكله عندي
اني مذاكره زين ولله الحمد وتلخبطت من الارهاق وقلة النوم
وقمت امسح الحل الصحيح واحط بداله حال خاطئ
اطلع واراجع احس سكاكين قهر تطعن بقلبي
كذا يضيع ابو المعدل والسبب الظلم اللي وقعنا فيه
للاسف يقولون المعدل بالمستوى الاول هو اهم شي وعليه يكون العماد بعد الاعتماد على رب العباد
اتمنى لك التوفيق اخي الفاضل وللجميع
|