المشاركة الأصلية كتبت بواسطة عبدالعزيز المنصور

سلام عليكم و رحمة الله و بركاته
يسعد صباحك و صباح المتواجدين ..
بالنسبه لموضوعك اعجبني الحقيقه و شجعني اسأل و اروح و اجي على زملائي ممن يدرسون بمختلف الجامعات
الملك سعود + الامام + فيصل + عبدالعزيز
كانت اجوبتهم وحده تقريبا ً
بس واحد منهم عطاني الامل و بقوه ان المعدل ليه مايرتفع بس بطريقه ذكيه شوي ~

يقول الشخص هذا اللي سألته عن امكانيه رفع المعدل و عن اهميه المستوى الأول و الثاني و كذا ..


قال لي ، اسمع ياعبدالعزيز هو المستوى الأول يكون بدايه العداد حقك بمعنى ان المعدل هذا زي ممشى السياره نفسها ان شديت حيلك اكثر بيرتفع مهما كان قلت شلون ؟؟

قال : اول شي انا محاكيك المستوى الاول كان معدلي 3.5 ، تخرجت من المستوى الثامن و الاخير بـ 4.8 !!!

قلت : شكله صعبه العمليه ولا ؟
قال : لا مو صعبه بس يقول انت لا يكون حرصك انك تخلص الجامعه بدري ، اذا تبي معدل حاول انك تنزل مواد قليله بعد ماتسأل عنها و بشكل مكثف ، وش المشكله انت عطل نفسك شوي سنه بالكثير مدد شوي
بدل ماتاخذ لك 8 تو 9 مواد بالسمستر الواحد خلها لا تتعدى الـ 5 تقريبا ً عشان تعطي كل ماده حقها

و اهم شي تبعد عنه المذاكره قبل الاختبار بيوم !! ترى هالحركه تقتل المعدل و تحوسك بالاختبارات !!!
ذاكر المادة بعد انتهاء الدراسه بين كل فتره و فتره صدقني بتسهل العمليه عليك كثير

و المعدل بعد كل مستوى اذا شفته يرتفع حتى لو بالفواصل حاول تكثف جهدك اللي بذلته لأنه حاليا ً غير كافي نوعا ما و يبغالك تفرق اوقات المذاكره و اهم شي برضوا قبل الاختبار لا تراجع خل مذاكرتك بالبيت و جيتك على القاعه و حل للإسأله و خلاص !



كلام كثير اختي غاده بس انا جبت لك المفيد و اللي يهمك
ماهو مستحيل رفع المعدل لكن يبغالك تاخذين شوي من راحتك ، عشان شهادتك تعجبك بالاخير معدلها



بالتوفيق للجميع ~