!! لا ضاقت الدنيا علي قمت صليت !!
الله يا وقت الشقا ويش سويـت
..................حديتني للاش والـلاش خايـب
حديتني وانا الذي مـا ترجيـت
...............غير العظيم اللي يسوق السحايب
الواحد اللي عالمٍ كل ما اخفيـت
.................اللي يغفْر ذنوب من جاه تايـب
متوكلٍ ٍ به خالقي حافـظ البيـت
.................ولاّ البشر تفنى شبابٍ وشايـب
يا وقت لو جارت لياليك ما حنيت
................راسي وانا خشمي يشم الهبايب
أشيل حملـي للثقيـلات شليـت
...................وأقوم بحمولي قيـام الركايـب
وأعز نفسي والردي كنّه الميـت
..................وش نفعته لا جا نهار النشايـب
يا كثر خلاّن الرخا كان عديـت
...................ما فيهم اللي يرتكـي للنوايـب
يا وقت يا وقت الشقا لو تماديت
................مالي جدا غير الصبر والطلايـب
قال المثل تاتي قصيدة ولو بيـت
................يا وقت أخذ البيت قبل النصايب
لا ضاقت الدنيا علي قمت صليت
...............في سجدتي هانت علي المصايب