اختي والله العظيم اني قاري الماده قرايه مرتين ومريت على الاسئله ..

وكنت خايف ومسوي زحمه في البيت ..

لكن قمت صليت العصر وبعدها هديت .. عرف انه سويت اللي اقدر عليه ..

الواحد يااختي مايقدر يحمل نفسه فوق طاقته ..

حنا سوينا اللي علينا وراح نسوي اللي علينا التوفيق الاول والاخير بيد رب العالمين ..

كم مره الواحد ذاكر وتعب ولا قدر يحل ..

وكم مره الواحد قراء وحل وجاب افضل الدرجات ..

ترى كلنا يجي لنا خوف وركبه بس تأكدي من شي واحد ..

المكتوب هو اللي يبي يصير والله لو حفظنا الكتاب زي اسمنا ..

والله ماكتب التوفيق ماتحقق ..

انتي سويتي اللي عليك خلاص اللحين باقي اهم شي الا هو الاعصاب ..

اذا شديتي نفسك وخفتي وكذا بتضيعين زود ..

اضحكي وانبسطي وفرفشي ..

وفليها وقولي يارب اكتب لي الخير وسهل لنا الاختبار ..

مع وقت المغرب يمكن ربي يستجديب الدعوه وتحصلين الدرجه كامله ..

ادخلي الاختبار بثقه وحلي اللي تعرفين واللي ماتعرفين اقري مره واثنين حطي مثال على الواقع ..

شوفي اقرب اجابه وجاوبي ..

واهم شي سمي بالله .. وتذكري اللي مكتوب هو اللي يبي يصير ...

وبعدين الاختبار هذا مهب نهاية الدنيا ..

اذا ربي ماكتب لنا التوفيق هالمره ربي يكتبه لنا ان شاء الله المره الجايه ..

والله التوكل على الله والثقه والراحه النفسيه اهم من المذاكره كلها ..

بكذا كل اللي قريتيه ومر عليك يجي ببساطه وسهوله ..

بس شد الاعصاب والنفسيه اللي مو كويسه تضيع المعلومات ..


ونرجع ونقول نحن قوم لاتهزنا الجبال .. فكيف بورقه كتب فيها اجب عن السؤال التالي ..

ههههههههههههههههههههههههههههههه << ماجاب فيني العيد الا هالمثل ..