[align=justify]ما ابغى انزل من عزيمتكم لكن اسالوا كل من اعترض قبلنا هل اخذ شي من اعتراضه للاسف ولا حتى حصل على احترام من المسئولين في الجامعة احنا يالطلاب والطالبات ننسى بسرعة وما اشبه الليلة بالبارحة اعتراض الطلاب على مادة النقود والبنوك اسئلة من كوكب زحل جابها الدكتور ايش الي صاار ولا شي وغيرها كثير ولاااااا والخير جايكم كل ما تقدمت بالمستويات تبدا تتلقى صفعات من نوع اخر واسالوا مستوى سادس حاطين لهم تعارض بالجدول يعني حتى الجدول مو عارفين يضبطونه كل هذه التصرفات والعراقيل لا تنم الا على ان الطالب فقط مصدر دخل للجامعة اما راحته وتحصيله ونجاحه فلايهم الجامعة ولا يجلب لها المال بل العكس صحيح
بكره ينزلون اعمال السنة لاعبين فيها لعب ونصارخ ونعصب ونعترض ثم يفاجئونا بالنتائج ونقول خلاص رضينا ولا حول ولا قوة الا بالله ويالله ويبقى الحال على ما هو عليه شي حطوه ببالكم دام ما فيه جهة رسمة تقدر تروح تشتكي لها من الاستهتار والظلم اللي يحصل من (بعض) الدكاترة والله والله ما يتغير الحال ابد كيف دكتور يشرح بلا منهج ولا محتوى لمنتسبين ويطرح اساله اقل ما يقال عنها بانها تحدي للطالب ليس علميا لا بل تحدي ان يفهم المقصود من السؤال وتحدي ان تصل الى الامتياز في مادة يفترض ان لا تاخذ من وقتك سوى ساعات قليلة جدا ثم يتلاعب بمقياس مهم جدا في تحصل الدرجات وهو جعل الاختبار من (50) سؤال بلا رقيب ولا حسيب لكن ايقنت بان طريقة وضع المحاضرات المباشرة والمسجلة والمحتوى والواجبات والمناقشات وخاتمتها اسئلة الامتحانات ما هي الا مجرد عمل اداري يقوم به اي موظف في الجامعة لا يمت للعلم والتعليم باي صله وتاكيد لذلك مناقشات وواجبات ومحتوى ومحاضرات لا تتغير من سنوات اليس عمل اداري بحت وجود دكاتره مستوى ايصال المعلومة لديهم ( تحت الصفر ) امثال دكتور الاقتصاد الجزئي حسن غصان و دكتور الرياضيات 2 ابو الطيب (مع الاحترام لاشخاصهم الكريمة) وغيرهم وادارة الجامعة اذن من طين واذن من عجين اسف للاطاله لكن قهرررررر قهرررررر وحبيت افضفض مالي الا انتوا بعد الله في الختام عليكم بالدعاء على من ظلمكم هذا الشيئ الوحيد الي بيديكم سلام .
[/align]