بكرا ان شاء الله بتصل عليهم
واذا عرفت طريقة الشكوى منهم شرحتها لكم
والاسئلة موجودة في المنتدى, وراح افصفصها واطلع الاشياء اللي جابها من برا المنهج
للتوضيح لبعض الاخوان والاخوات اللي فهمونا غلط وصورونا بأننا نبي الأسئلة او الاجابات
اولا محد قال نبي الأسئلة على طبق من ذهب, بالعكس نبيه يصعب الاسئلة ويسوي اللي يبيه
بس لا يطلع من المنهج, والاختبار بيننا.
وأيضا, إن كان يبي يطلع من المنهج, يقول لنا بكل بساطة وحنا موافقين.
ثانيا الكتاب المقرر يدرس في (مستويين دراسيين) وهذا مذكور في بداية الكتاب
وإن كان لابد من مستوى واحد, فهناك مواضيع معينة حددها مؤلفي الكتاب
هذا يدل على ان الكتاب صعب, ولذا فرحنا لما قال اعتمدوا على المنهج.
ثالثا المشكلة اللي واجهنا هي (وضع أسئلة على مواضيع لم تشرح لنا ولم نطالب بحفظها او مراجعتها)
كان بامكان الدكتور بكل بساطة يقول (راجعوا المدرسة الرسالية, تراها مطلوبة عليكم) وخلاص, تنتهي المشكلة
لكن أن يقول لنا (ذاكروا المنهج) وبعدين يسألنا عن المدرسة الرسالية وخصائص المدرسة الاتوقراطية وهي خارج المنهج فهذا شيء ثاني.
بيينا وبينه المنهج وكلامه في اليوتيوب.
...
زبدة الهرج
بكرا ان شاء الله بكلمهم واشوف وش يصير
وأيضا بكرا ان شاء الله بفصفص الاسئلة واشوف الاشياء اللي كانت من برا المنهج
وبس
