ملتقى طلاب وطالبات جامعة الملك فيصل,جامعة الدمام - عرض مشاركة واحدة - اخوانكم من المستوى الاول يطلبونكم المحاضرات المسجلة والمحتوى للمستوى الثاني

ذات الرداء · 2013- 1- 2

اقتباس:

المشاركة الأصلية كتبت بواسطة ام-عساف

طموح الشباب نشيط ويوقولن شايب ماشاءالله عليك
بس اللي يضحك من التعليقات كلكم المستوى الاول
المستوى الثاني وينهم كلنا وراء الشايب وبس
سؤالي المهم عندكم ماده يدرسها الدوغان ولا عندكم
دوغان ثاني ولا يقرب له قبل نحط موادنا بالجدول
خلصت حسناتنا في ذا الدكتور ومين يدرس رياضيات
يشرح زي حنفي ولا لا والمحاسبه بعد كيف دكتورها

بالنسبه للرياضيات اسم الدكتور الطاهر ابراهيم سوداني بس تبين الصدق شرحه مش ولابد وترى المنهج طويل ويبغاله ولاتغلطون مثل غلطتي ماذاكرته من اول الترم واحتست وقت الامتحانات طلع لي قرون

بس الحق ينقال الاسئلة كانت مره حلوه وسهله وماجاب اشياء صعبه وكانت كل اسئلته واضحه
اما المحاسبه وماادراك مالمحاسبه

الدكتور خالد عطيه شرحه حلو لكن اسئلته تدوووخ مررره دقيقه ولابعد يحط جوابين نفس بعض

مع اني كنت مذاكره الماده زين بس حاسه اني بجيب العيد فيهاالله يستر
الصحه واللياقه والعقيده سهلين وحلوين يرفعون المعنويات بالنسبه للانجليزي حلو انا حبيته سهل جدا يشبه منهج المتوسط بس وقت الاختبار لازم تركزين على الاجوبه وتحطين سبب لكل جواب تحسينه غلط عشان تتأكدين من جوابك وماتحلين غلط والحلو انه يجيب قطعتين نفس القطع اللي ناخذهم بالمنهج ونس الاسئله هالشي يخليك تضمنين اقل شي عشر درجات

وعموما الدكتور شرحه حلو مررره ويفهم زيين الاقتصاد الكلي يهبل الله يرضى عليه حسن الهجهوج بصراحه اسئلته تشرح الصدر حلووووه واغلبها من اسئلة اختبار السمسترات اللي طافت ماطلع احد من الاختبار إلا داعيله

انا قلتلك على المواد اللي اخذتها وانطباعي الشخصي عنها والله ييسر لكم ويفتح عليكم وبالنسبه لي حسيت انه مستوى ثاني اسهل من مستوى اول يمكن عشان كان فيه مادتين مساعده تساعدنا في رفع المعدل

طولت عليك معليش واتمنى الباقين يفيدونك بالمواد اللي انا مااخذتها

بالتوفيق للجميع