صراحة ذاكرت يومين ولانمت زين وفالاخر انصدمت من الاسئلة ومن غموضها
يعني موعارفة ليه ماقال ذاكروا الكتاب وريحنا عشان يخلص ذمته
واكثر اسئلته غموض طيب في ناس لهم ثقافة ادارية بحكم عملهم طيب والباقي اللي مالهم فهالشي وش يسوووا !
يحلوا بالفهلوة ولا حقرة بقرة
صراحة اسئلته مخيبة للامال واصعب مادة كل المواد حليت فيها الحمدلله الا هالمادة خايفة منها
انا ماأكن للدكتور اي شر ولكن حرام اللي سواه فينا لابد يراعي الله في عمله
وثاني شي عندي مداخلة عاللي داخلين ويدافعون عالدكتور اقولهم اولا ماهو بداري عنكم وترى ماحد عينكم محاميين عنه ولنا شكوى وتظلم فلابد منكم احترامها ..
فلاحد يجي ويقول ترى ماله داعي ومايستاهل الموضوع الخ
يعلم الله كيف تجي فلوس الدراسة وكيف نوافق ظروفنا معاها وكيف نذاكر عشان تجي نتيجة ثمارنا وهي الشهادة
يعني جهد يروح بسبب ان الدكتور يبي يجرب علينا اساليب ترانا مو فئران تجارب
لكن ماقول الا حسبي الله ونعم الوكيل
واللي عنده كلمة خير يقولها ولا السكوت يقولون من ذهب
وياخوي نادر ترانا معاك وانا ارسلت شكوى وربي ينصرنا