السلام عليكم ورحمة الله وبركاته
طبعا الف مبروك لكل الطالبات والطلبة بمناسبة نهاية الترم الدراسي
من لا يشكر الناس لا يشكر الله
واولاً واخيرا الشكر لله وحده لان سهل لي اموري بهذا الترم واعاني في اكماله لاني مريت بظروف كانت شوي صعبه فالحمد لله على كل حال
في هذا المنتدي هنالك كوكبة من الطلاب لا ينسونا دائما من تعاونهم ومساعدتهم لنا سواء بالردود في صفحات المنتدي وعلى راسهم الاخت رشوف ولا يهونون الباقيين بس لاحد انسى اسمه ويزعل علي
والاخوه والاخوات الي يحطون تلاخيصه بالمنتدي اول باول وعلى راسهم الفيصلاوي بارك الله فيه وبعد الاخت ابتهالينوا و admin
طبعا في الكثيرين غيرهم بس اسمحولي هذولي الي تذكرتهم الان
الان المواد الي درستها بهذا الترم
1-نظرية المعرفة الدكتور بدران مسعود بن لحسن
جزاه الله خير الدكتور شرحه واضح بس الماده غثيثه شوي لان الماده فلسفية طبعا في تواريخ وفي علماء بس كانت الاسئلة واضحه اكثر مما توقعت والامتحان كان سهل
2- تاريخ الخليج العربي الحديث والمعاصر دكتور محمد احمد جودة
الماده جدا سهله الدكتور شرحه واضح والمادة لذيذه جدا ومليانه تواريخ بس الدكتور كان مسهل الامر علينا
3- التدريب الميداني 2 طبعا لها دكتورين الدكتور فهد الخريف و دكتور محمود عبد العال
طبعا هذي الماده مسويه هوس للطلاب والطالبات بس في النهاية هي سهله جدا وامتحانها سهل جدا
بالنسبة للتدريب الميداني اول ما تنزل الاوراق في الخدمات الطلابية اطبعوها وروحوا الاشراف التربوي خذولكم ورقه عشان تسمحلك المدرسة بالتدريب وطيران للمدرسة 
الي يبي يعرف الطبخه يسمع المحاضرات الاولي فيها شرح مستفيض عن طريقة التطبيق والمطلوب وكيفية كتابة التقرير وبعد مطلوب كتابة بحث في حدود عشرين صفحه عن اي موضوع داخل اسوار المدرسة يعني اي شي له علاقة بالمدرسة وطريقة البحث بتلاقونها في المحاضرات الي بالملزمة
والي يسجل الماده يسئل الي يبي ترانا بالخدمه
4- قضايا ثقافية معاصرة نفس الشي دكتور بدران بن لحسن هذي من كل بحر قطره كل محاضرة عن موضوع ولا تشترون الملزمه بدري مثلي لان يبدوا الدكتور يغير كم محاضره عن الترم الماضي وانا اخذت الملزمة القديمة واتوهقت بها في تواريخ وشوي يبيلها تركيز لان كنت تختبرين كم ماده بماده لتعدد المواضيع
الامتحان كان واضح وسهل
5- بناء وتنمية القدرات ماده سهله سهله سهله جدا دكتورها حسن ابو زيد الاسئلة سهله جدا جزاه الله خير الدكتور متعاون جدا
6- مبادئ الادارة طبعا كانت المستوي الاول بس انا مأجلتها الماده سهله دكتور نذير عليان والاسئله جدا سهله الي مذاكر يجيب علامه عاليه فيها
7- علم اجتماع البيئة ماده جدا سهله دكتورها صابر عبد الباقي بس الدكتور اسئلته تدوخني يعني تظيع شوي بس الي مذاكر يجيب فيها اي بلس وهو نايم طبعا مو انا 
8- العمل التطوعي بعد مادة سهله جدا ودكتورها صابر عبد الباقي ونفس اسلوب الاسئله بس كانت بالنسبه لي اسهل من علم اجتماع البيئة لاني ذاكرتها قبل
عموما شكلا جزيلا لكل الدكاتره الي يشوف الاسئله يعرف قد ايش هم متعاونين معانا والي مذاكرته وسط يعدي وهو نايم بارك الله فيهم وجزاهم الله خير وربي يسهل امورهم علك كثر ما تعاونوا معنا