اخر يوم اختبار كان اسوء يوم بحياتي . لدرجة انه اول ماخصلت الاختبار ماصدقت ارجع البيت واعطي المراقبين اسوء فيد باك ( تقييم ) على الاطلاق
القصه انه يوم الثلاثاء اختبار الانجليزي قراءه
دخلنا كلنا القاعه نختبر وكان معانا طالب مريض عنده زكام والتهاب في الحلق الاخ المريض هذا الي مايستحي على وجهه اصدر انواع الاصوات المقرفه المقززه عالية الضجيج الي يسبب التشتت في التركيز رغم عن انفك
والله ياناس انه جلس تقريبا 95 دقيقه في القاعه يصدر هالاصوات المزعجه دقيقه تلو الاخرى احيان تصل الى كل 10 ثواني
والتشتت واضح على ملامح الطلاب الاخرين لاكن الحياء ذابحنا ولا حد فينا تكلم وقاله لو سمحت هدوووء للاسف
على الرغم من ذالك المراقب لم يتدخل ابدا ولم يقل شيء
حتى ان الطالب المريض كان ب امكانه ان يكون هادئ خصوصا انه لايوجد لذيه عطاس او سعال ولاكن كان يستمر باصدار تلك الاصوات بصوت عالي ولم يخجل من نفسه او حتى يحس انه في ناس تختبر لازم شوية هدوء حتى لو تطلع من القاعه وتتركها لهم حرااااام الي جالس تعمله .
انا بالنسبه لي ماعرفت اركززز ابدا . كل الي سويته بذلت مجهود اكثر من طاقتي كله عشان اقدر احط الاجابه الصحيحه في مكانها الصحيح . حتى اشك اني غلط بسبب هالتشتت الي حصل والله يستر
فوق ذا كله اصوات الجوالات انواع الازعاج والمراقبين بدون حس ولا خبر ولا حد يقول طفو الجوالات او حطوها على الصامت الا نادرااا
ازيد من الشعر بيتين المراقب جالس يسولف ويا المراقب الثاني بصوت عالي في القاعه ويضحكو
او المراقب الي جالس ينشد انشوده او يستغفر او يقرا الفاتحه بصوت عاااالي
اما الطلاب الي معانا كل واحد وش طوله وعرضه وكبار بالعمر متزوجين وموضفين لاكن غير محترمين وانواع الهمجيه في مظاهرهم وافعالهم وحسبي الله ونعم الوكيل
اتمنى الفيد باك يسوي شي . ولو اني ماتوقع بيطالعون فيه
بس بروح تويتر شوي وانشب للفريدان وازعجه ب الي حصل .
شي غير مقبول ابدا والمستوى القادم بسوي لهم فضايح لو تكررت