رزقك يجيك .. واللي كاتبه لك الله ماراح ياخذه غيرك
ينقصنا فقط الأخذ بالأسباب والتوكل على الله
طيب انا بقول لكم سالفتي
تصدقون اني ما اقدر القى وقت علشان اشوف المحاضرات
عندي ارتباطات وظيفية وعائلية مسوية لي زحمة بالجدول
وكل يوم يطلع لي سالفة تزيد من تعقيد دراستي الجامعية
لدرجة اني فكرت الغي الترم هذا بسبب ان الاختبارات قرّبت وانا بس الشئ الوحيد اللي اسويه
اني احمل المحاضرات واحل المناقشات والواجبات
طبعاً انا ماني راضي عن وضعي لأني ماسجلت لمجرد انجح
انا سجلت بالجامعه علشان اتعلم وأتثقف
الى يومكم هذا وانا ما اعرف اسماء الدكاتره ولا حتى اشكالهم
ولا شفت لهم اي محاضره .. الا حنفي حق الرياضيات 4 محاضرات بس
دخلت الاختبارات وانا بس على ملخصات او اسألة سابقة
المحاسبة الوحيده اللي ماقريت لها اي ملخص .. مجرد مقاطع يوتيوب صغيره ماتتعدى اصابع اليد الوحده
وثلاث ورقات اعتمدت على الله ثم عليها
واحس اني سويت شئ بالاختبارات ما سووه اللي ذاكروا او درسوا خصوصي
المقصد من هالكلام انك ممكن تتوفق بدعوة توافق ساعة استجابة من شخص ماتعرفه
انا كنت شبه يومياً اتصدق لأي عامل - مثل عامل النظافة - اقابله ولو بالشئ القليل
واحتسب عملي هذا عند الله وما انتظر منه شكر ولا خدمة
في الاختبارات ادخل وانا يدي على قلبي لأني ما ادري عن المنهج الا رؤؤس اقلام
وفي الاخير اطلع وانا متوقع النجاح وبتقديرات حلوه
انا ماقلت هالكلام ولا كنت ناوي اصلاُ اقوله الا لما شفت موضوعك
لأن فيه أمور الواحد يحب يحتفظ فيها لنفسه
طبعاً مو معناتها اني راضي عن وضعي بالمذاكرة والوضع كذا عاجبني
لكن ان شاء الله الترم الجاي اقدر انظم وقتي اكثر واقدر استغني عن الملخصات
واشوف اشكال الدكاتره الجدد علشان مايصير لهم ماصار لدكاترتنا
